Virender Singh : "माझा गुन्हा एवढाच आहे की मी...", पुरस्कार न मिळाल्याने मूक-बधिर पैलवानाने शेअर केली भावनिक पोस्ट Wrestler Virender Singh Says Honourable PM Modi and Anurag Thakur I have not been rewarded with the Khel Ratna

Wrestler Virender Singh : गुंगा पैलवान म्हणून प्रसिद्ध असलेल्या वीरेंद्रने कुस्तीमध्ये भारतासाठी तीन डेफ ऑलिम्पिक सुवर्णपदके जिंकून दिली, तर भारताला एकूण ५ पदके मिळवून दिली आहेत.

मुकबधीर ऑलिंपियन वीरेंद्र सिंगने व्यक्त केली निराशा (फोटो -लोकसत्ता ग्राफिक्स टीम)

Deaf and mute wrestler Virender Singh expressed his disappointment : राष्ट्रपती द्रौपदी मुर्मू यांनी नवी दिल्ली येथे देशातील अव्वल खेळाडूंना राष्ट्रीय क्रीडा पुरस्काराने सन्मानित केले. या यादीत क्रिकेटपटू मोहम्मद शमीसह अनेक खेळाडूंच्या नावाचा समावेश होता. दरम्यान, एका कुस्तीपटूने एक्सवर निराशा व्यक्त केली आणि त्याची तक्रार पंतप्रधान नरेंद्र मोदींकडे केली. मूक-बधिर ऑलिंपियन वीरेंद्र सिंगला त्याचे नाव खेलरत्न पुरस्कारासाठी नाकारण्यात आल्यानंतर निराशा आवरता आली नाही.

२०२१ मध्ये पद्मश्री पुरस्काराने सन्मानित झालेल्या वीरेंद्रने सोशल मीडियावर एक पोस्ट शेअर केली आहे. ज्यामध्ये त्याने पंतप्रधान नरेंद्र मोदी आणि क्रीडा मंत्री अनुराग ठाकूर यांना टॅग केले. कारण त्याने प्रतिष्ठित खेलरत्न, भारतातील सर्वोच्च क्रीडा सन्मान न मिळाल्याबद्दल निराशा व्यक्त केली. वीरेंद्र हा अर्जुन पुरस्कारप्राप्त असून हरियाणा सरकारने दिलेले आश्वासन पूर्ण केले नसल्याचेही त्याने तक्रारीत म्हटले आहे.

माननीय प्रधानमंत्री श्री @narendramodi जी, व माननीय खेलमंत्री श्री @ianuragthakur जी, मुझे पांच डेफ ओलंपिक मेडल जीतने के बाद भी खेल रत्न नही मिला, और न ही हरियाणा सरकार ने पॉलिसी के तहत आठ करोड़ रुपये दिए, मेरा गुनाह इतना है मैं मूक-बधिर दिव्यांग खिलाडी हूँ..! #जयहिंद?? pic.twitter.com/n9KJGQGJUY
— Virender Singh (@GoongaPahalwan) January 9, 2024

त्याने एक्सवरील पोस्टमध्ये लिहले, “माननीय पंतप्रधान नरेंद्र मोदी आणि क्रीडा मंत्री अनुराग ठाकूर मला ५ डेफ ऑलिम्पिक पदके जिंकूनही खेलरत्न देण्यात आलेला नाही. त्याचबरोबर हरियाणा सरकारने आपल्या धोरणानुसार आठ कोटी रुपयेही दिलेले नाहीत. माझा गुन्हा एवढाच आहे की, मी दिव्यांग खेळाडू आहे. जय हिंद.”

हेही वाचा – Praveen Kumar : “ते खूप जास्त करायचे…”, ‘बॉल टॅम्परिंग’बाबत माजी भारतीय गोलंदाजाचे वक्तव्य

पीएम मोदींनी राष्ट्रीय क्रीडा पुरस्कार सोहळ्यात राष्ट्रपती मुर्मू यांनी सन्मानित केलेल्या खेळाडूंचे कौतुक केले होते. पंतप्रधान नरेंद्र मोदींनी आपल्या एक्सवरील पोस्टमध्ये लिहले, ‘राष्ट्रीय क्रीडा आणि साहसी पुरस्कार २०२३ च्या अद्भूत विजेत्यांचे अभिनंदन. त्यांची उल्लेखनीय कामगिरी आणि अखंड समर्पण हे आपल्या देशासाठी प्रेरणादायी आहेत. त्यांनी केवळ आपापल्या क्षेत्रात उत्कृष्ट कामगिरी केली नाही, तर जागतिक व्यासपीठावर भारताचा ध्वजही उंचावला आहे.’

Congratulations to the illustrious winners of the National Sports and Adventure Awards 2023. Their remarkable achievements and unwavering dedication are an inspiration to our nation. They have not only excelled in their respective fields but also raised India’s flag high on the… https://t.co/51tbEBxdHp
— Narendra Modi (@narendramodi) January 9, 2024

हेही वाचा – शिखर धवनने सांगितले लोकांचे लग्न न करण्यामागचे मजेदार कारण, VIDEO होतोय व्हायरल

भारताची स्टार बॅडमिंटन पुरुष दुहेरी जोडी सात्विकसाईराज रँकीरेड्डी आणि चिराग शेट्टी यांना मेजर ध्यानचंद खेलरत्न पुरस्कार मिळाला. दुसरीकडे, भारताचा स्टार गोलंदाज मोहम्मद शमी, तिरंदाज ओजस प्रवीण देवतळे, शीतल देवी आणि आदिती गोपीचंद स्वामी आणि कुस्तीपटू अनंत पंघल यांसारख्या खेळाडूंना अर्जुन पुरस्काराने सन्मानित करण्यात आले.

First published on: 10-01-2024 at 15:52 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Wrestler virender singh says honourable pm modi and anurag thakur i have not been rewarded with the khel ratna vbm

Virender Singh : “माझा गुन्हा एवढाच आहे की मी…”, पुरस्कार न मिळाल्याने मूक-बधिर पैलवानाने शेअर केली भावनिक पोस्ट