दोन ‘बाहुबलीं’च्या भेटीचा क्षण, जिंदर महालने घेतली सचिनची भेट

डिसेंबरमध्ये होणाऱ्या या इव्हेंटमध्ये जिंदर महालसह, रोमन रेगिन्स, सेथ रोलिन्स, डीन अँब्रोज, ब्रॉन स्टोमॅन असे अनेक नावाजलेले खेळाडू भाग घेणार आहेत. ‘Smackdown Live’ या शोमध्ये हे सर्व खेळाडू एकमेकांशी लढणार आहेत. या भेटीचे फोटो ट्विटर अकाऊंटवरुन शेअर करण्यात आले आहेत.

जगभराप्रमाणेच भारतातही WWE चे अनेक चाहते आहेत. त्यामुळे प्रत्येक वेळी सामन्यादरम्यान आपल्या देशाचं प्रतिनिधीत्व करायला मिळणं ही माझ्यासाठी गौरवाची बाब असल्याचं, जिंदर महालने म्हणलंय. याआधीही या इव्हेंटची पूर्वतयारी करण्यासाठी WWE चा प्रमुख ट्रिपल एच भारतात येऊन गेला होता.

अवश्य वाचा – तयार राहा, WWE भारतात येतंय! पूर्वतयारीसाठी ट्रिपल एच मुंबईत