Yashasvi Jaiswal : यशस्वी जैस्वालचा मोठा पराक्रम! गौतम गंभीरला मागे टाकत ‘ही’ कामगिरी करणारा ठरला पहिला भारतीय

भारतीय डावाच्या १५० धावांच्या प्रत्युत्तरात ऑस्ट्रेलियन फलंदाजांची कामगिरीही अत्यंत खराब झाली. जसप्रीत बुमराहने एकट्याने कांगारू संघाच्या टॉप ऑर्डरला खिंडार पाडली. पहिल्या दिवसाचा खेळ संपेपर्यंत ऑस्ट्रेलियाचे ७ फलंदाज ६७ धावा करून पॅव्हेलियनमध्ये परतले होते. यानंतर दुसऱ्या दिवशी ऑस्ट्रेलिया १०४ धावांवर पॅव्हेलियनमध्ये परतला. यानंतर पहिल्या डावातील अपयशातून धडा घेत यशस्वी जैस्वालने केएल राहुलसह दुसऱ्या डावात सावध खेळी करत टीम इंडियाच्या डावाची सुरुवात केली. त्याचबरोबर १५ धावा करताच नवा इतिहास लिहिला आहे.

यशस्वी जैस्वालचा मोठा पराक्रम –

वास्तविक यशस्वी जैस्वाल यंदा जबरदस्त फॉर्ममध्ये आहे. तो भारताकडून कसोटीत सर्वाधिक धावा करणारा खेळाडू आहे. या वर्षी १००० हून अधिक धावा करणारा युवा सलामीवीर जो रूटनंतर जगातील दुसरा फलंदाज आहे. जैस्वालने पर्थ कसोटीच्या दुसऱ्या डावात १५ धावांचा टप्पा गाठताच भारतीय कसोटी क्रिकेटच्या इतिहासात एक नवा चमत्कार घडला. जैस्वाल कसोटी क्रिकेटमध्ये एका कॅलेंडर वर्षात सर्वाधिक धावा करणारा डावखुरा भारतीय फलंदाज ठरला आहे. त्याने १६ वर्षे जुना विक्रम मोडला. यापूर्वी हा विक्रम माजी भारतीय क्रिकेटर आणि टीम इंडियाचे विद्यमान मुख्य प्रशिक्षक गौतम गंभीरच्या नावावर होता. गंभीरने २००८ साली कसोटी क्रिकेटमध्ये ८ कसोटी सामन्यांच्या १६ डावात ११३४ धावा केल्या होत्या. या काळात त्याने ३ शतके आणि ६ अर्धशतके झळकावली.

हेही वाचा – Jasprit Bumrah : जसप्रीत बुमराहने मोडला वसीम अक्रमचा मोठा विक्रम! ऑस्ट्रेलियात ‘ही’ कामगिरी करणारा ठरला पहिला गोलंदाज

u

एका कॅलेंडर वर्षात सर्वाधिक कसोटी धावा करणारा भारतीय फलंदाज (डावखुरे) –

यशस्वी जैस्वाल- ११३५ धावा (२०२४)
गौतम गंभीर- ११३४ धावा (२००८)