Top 10 Batsmen of 2023 T20I : चालू वर्ष म्हणजेच २०२३ अखेरच्या दिशेने वाटचाल करत आहे. हे वर्ष टी-२० आंतरराष्ट्रीय क्रिकेटमधील अनेक फलंदाजांसाठी चांगले होते, ज्यामध्ये भारताच्या सूर्यकुमार यादवचाही समावेश आहे. गेल्या दोन वर्षांच्या धर्तीवर यंदाही सूर्याने टी-२० मध्ये अप्रतिम कामगिरी केली. जरी तो फॉरमॅटमध्ये हाय स्कोअरर नसला, तरी तो आयसीसी क्रमवारीत अव्वल स्थानावर विराजमान आहे.
सूर्याने या वर्षातील शेवटचा टी-२० सामना गुरुवारी (१४ डिसेंबर) रोजी दक्षिण आफ्रिकेविरुद्ध खेळला. या सामन्यात सूर्याने टी-२० आंतरराष्ट्रीय कारकीर्दीतील चौथे शतक झळकावले. या वर्षी टी-२० आंतरराष्ट्रीयमध्ये कोणत्या १० फलंदाजांनी दमदार प्रदर्शन केले ते जाणून घेऊया.
यूएईच्या मोहम्मद वसीमने या वर्षी टी-२० आंतरराष्ट्रीय क्रिकेटमध्ये आतापर्यंत सर्वाधिक धावा केल्या आहेत. वसीमने २१ सामन्यांच्या २१ डावात ४०.३० च्या सरासरीने आणि १६३.१५ च्या स्ट्राईक रेटने ८०६ धावा केल्या. या कालावधीत त्याच्या बॅटमधून एकूण ६ अर्धशतके झाली, ज्यामध्ये त्याची सर्वोच्च धावसंख्या ९१ होती. दरम्यान, वसीमने ७४ चौकार आणि ५१ षटकार मारले.
हेही वाचा – IPL 2024 : हार्दिक पंड्या मुंबई इंडियन्सचा नवा कर्णधार; नव्या हंगामापूर्वी मोठी घोषणा
टी-२० आंतरराष्ट्रीय क्रमवारीत पहिल्या क्रमांकावर असलेला भारतीय फलंदाज सूर्यकुमार यादवने यावर्षी आतापर्यंत खेळल्या गेलेल्या १८ सामन्यांच्या १७ डावांमध्ये ४५.२१ च्या सरासरीने आणि १५२.८९ च्या स्ट्राइक रेटने ७३३ धावा केल्या आहेत. या काळात त्याने दोन शतके आणि पाच अर्धशतके झळकावली. या वर्षी टी-२० फॉरमॅटमध्ये सर्वाधिक धावा करणाऱ्या टॉप-१० खेळाडूंमध्ये सूर्यकुमार यादव हा एकमेव भारतीय आहे. पदार्पणापासूनच सूर्या आंतरराष्ट्रीय टी-२० मध्ये सतत आपली छाप पाडत आहे. २०२१ मध्ये त्याने टी-२० मध्ये पदार्पण केले.
२०२३ मध्ये आंतरराष्ट्रीय टी-२० मध्ये सर्वाधिक धावा करणारे खेळाडू –
मोहम्मद वसीम (यूएई) – ८०६ धावा
सूर्यकुमार यादव (भारत)- ७३३
सायमन सेसाजी (युगांडा) – ६७१ धावा
विरनदीप सिंग (मलेशिया) – ६६५ धावा
रॉजर मुकासा (युगांडा) – ६५८ धावा
सय्यद अझीझ (मलेशिया) – ५५९ धावा
मार्क चॅम्पमन (न्यूझीलंड) – ५५६ धावा
कॉलिन्स ओबुया (केनिया) – ५४९ धावा
कॅमू लॅव्हरॉक (बरमुडा) – ५२५ धावा
सिकंदर रझा (झिम्बाब्वे) – ५१५ धावा.
