Rohit Sharma On Yuzvendra Chahal: रोहित शर्माच्या नेतृत्वाखालील भारतीय क्रिकेट संघ आणि टॉम लॅथमच्या नेतृत्वाखालील न्यूझीलंड यांच्यातील दुसरा एकदिवसीय सामना आज, शनिवारी रायपूरच्या शहीद वीर नारायण सिंग आंतरराष्ट्रीय स्टेडियमवर दुपारी १.३० वाजल्यापासून खेळला जाईल. या स्टेडियममध्ये प्रथमच आंतरराष्ट्रीय सामन्याचे आयोजन करण्यात आले आहे. दोन्ही संघांसाठी हा सामना महत्त्वाचा आहे. टीम इंडिया हा सामना जिंकून मालिका आपल्या नावावर करू इच्छित आहे, तर किवी संघ पलटवार करण्याचा प्रयत्न करेल. सामन्याच्या एक दिवस आधी युजवेंद्र चहलने रायपूरची ड्रेसिंग रूम दाखवली. इतकंच नाही तर टीम इंडियाच्या जेवणाच्या मेन्यूमध्ये काय काय समाविष्ट आहे हेही त्याने कॅमेऱ्यात दाखवलं.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

भारतीय क्रिकेट नियामक मंडळाने (बीसीसीआय) त्यांच्या अधिकृत ट्विटर हँडलवर एक व्हिडिओ पोस्ट केला आहे. व्हिडिओची सुरुवात चहलने होते. चहल म्हणतो की आज कोणताही खेळाडू ‘चहल टीव्ही’वर येणार नाही, पण आज आम्ही तुम्हाला ड्रेसिंग रूमचे सर्वेक्षण करून देणार आहोत. चहलने प्रथम रोहित शर्माला ड्रेसिंग रूममध्ये बसलेले दाखवले. यानंतर त्याने सांगितले की, विराट कोहली आणि उपकर्णधार हार्दिक पांड्या रोहितसोबत बसले आहेत. यानंतर चहलने इशान किशनवर कॅमेरा फोकस केला आणि त्याला द्विशतकाबाबत विचारले.

असाच रोहित शर्माने चहलसोबत एन्जॉय केला

युजवेंद्र चहलने ड्रेसिंग रूमचे मसाज टेबलही दाखवले आणि सांगितले की जेव्हा खेळाडूंना गरज असते तेव्हा त्यांची मसाज येथे केली जाते. यानंतर चहल टीम इंडियाच्या फूड मेनूकडे वळत आहे, तेव्हाच रोहित शर्मा मध्यभागी येऊन त्याच्यासोबत एन्जॉय करताना दिसत आहे. टीम इंडियाचा कर्णधार रोहित म्हणतो की, तुम्हाला चांगले भविष्य आहे. यावर चहल हसताना दिसत आहे.

तीन द्विशतक खेळाडू प्लेइंग इलेव्हनचा भाग असतील

भारताने मालिकेतील पहिला एकदिवसीय सामना १२ धावांनी जिंकला. हैदराबादमध्ये खेळल्या गेलेल्या मालिकेतील पहिल्या एकदिवसीय सामन्यात सलामीवीर शुबमन गिलने द्विशतक झळकावले. भारताकडून दुसऱ्या एकदिवसीय सामन्यात, ३ द्विशतक फलंदाज प्लेइंग इलेव्हनमध्ये उतरताना दिसतील. एकदिवसीय क्रिकेटच्या इतिहासात एकाच सामन्यात ३ द्विशतके झळकावणारे फलंदाज एकत्र खेळण्याची ही पहिलीच वेळ असेल.

हेही वाचा: IND vs NZ 2nd ODI: उमरान मलिकला संघात स्थान देताना ब्रेक थ्रू स्पेशालीस्टचा बळी देणार? प्लेईंग-११ निवडताना रोहितचा लागणार कस

इशान किशनशी चर्चा केली

यानंतर युजवेंद्र चहलने स्टार फलंदाज इशान किशनला द्विशतक करण्याबद्दल विचारले. इशान किशन म्हणाला की त्याने मला द्विशतक झळकावण्यात मदत केली आणि मला मैदानावर जाऊन शांत राहण्यास सांगितले. पण तेव्हा चहल म्हणतो की तो बांगलादेशातही नव्हता. यावर दोघेही जोरात हसले.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Yuzvendra chahal ind vs nz yuzvendra chahal takes funny survey of team indias dressing room video goes viral avw