IND vs AUS : युझवेंद्र चहलचा बळींचा षटकार, ऐतिहासीक कामगिरीशी बरोबरी

कुलदीप यादवच्या जागी तिसऱ्या वन-डे सामन्यात भारतीय संघात जागा मिळालेल्या युझवेंद्र चहलने आपलं नाणं खणखणीत वाजवून दाखवलं आहे. चहलने ऑस्ट्रेलियाच्या 6 गड्यांना माघारी धाडत, ऑस्ट्रेलियात वन-डे सामन्यात सर्वोत्तम कामगिरी बजावणाऱ्या विक्रमाशी बरोबरी केली आहे. चहलने भारताचा माजी गोलंदाज अजित आगरकरच्या कामगिरीशी बरोबरी केली आहे. 2004 साली मेलबर्नच्या मैदानावर अजित आगरकरने 42 धावांमध्ये 6 गडी घेतले होते. यानंतर आज 15 वर्षांनी चहलने याच कामगिरीची पुनरावृत्ती केली आहे.