मेरिटाइम कॅटिरग प्रमाणपत्र अभ्यासक्रम

गेल्या काही वर्षांत व्यापारी आणि नागरी सागरी वाहतूक मोठय़ा प्रमाणावर वाढली आहे. ही वाहतूक प्रवासी जहाजाद्वारे केली जाते. त्याद्वारे शेकडो प्रवासी प्रवास करत असतात. या क्षेत्रात जहाजाचे नियंत्रण आणि व्यवस्थापन करण्यासाठी प्रशिक्षित मनुष्यबळ असते. अशा मोठाल्या जहाजांचा प्रवास महिनोन्महिने अहोरात्र सुरू असतो.
या प्रवासादरम्यान जहाजावरील कर्मचाऱ्यांची तसेच प्रवाशांच्या खानपानाची चोख व्यवस्था करण्यात येते. अशा जहाजांवर स्वतंत्र आणि अद्ययावत असा कॅटिरग विभाग असतो. या विभागात काम करण्यासाठीही प्रशिक्षित मनुष्यबळाची गरज भासते. कॅटिरग विषयात प्रशिक्षणक्रम पूर्ण केलेल्या उमेदवारांना ही संधी मिळू शकते. जहाजावरचे जीवन हे जमिनीवरील जीवनापेक्षा वेगळे असल्याने कॅटिरगच्या गरजाही वेगळ्या असतात.