10 food items that should not be refrigerated: आपण अनेकदा भाज्या, फळे तसेच काही विशिष्ट अन्नपदार्थ जास्त काळ टिकून राहण्यासाठी आणि ताजे राहण्यासाठी फ्रीजमध्ये ठेवतो. जेणेकरून पदार्थ लवकर खराब होत नाहीत आणि आपण त्यांचा कालांतरानेदेखील आस्वाद घेऊ शकू.
जरी फ्रीजचा वापर पदार्थ ताजे ठेवण्यासाठी होत असला, तरी थंड तापमानात काही पदार्थ ठेवल्यास त्यांच्या चव, टेक्चर, एकूण गुणवत्तेवर परिणाम होऊ शकतो आणि असे पदार्थ आपण खाल्ले तर याचा आपल्या आरोग्यावरही परिणाम होऊ शकते.
हेही वाचा… उकळत्या तेलात हात घातला अन्…, VIDEOतील माणसांचं कृत्य पाहून तुमचाही विश्वास बसणार नाही
आपल्या रोजच्या वापरात येणारे हे १० पदार्थ कधीही फ्रीजमध्ये ठेवू नयेत
१. केळी
रेफ्रिजरेशनमुळे केळी तपकिरी होऊ शकतात आणि त्यांची चव बदलू शकते, त्यामुळे केळी फ्रीजमध्ये न ठेवता रुम टेम्प्रेचरमध्ये ठेवणे अधिक उत्तम होईल.
२. बटाटा
फ्रीजमधील थंड तापमान बटाट्यातील स्टार्चचे साखरेत रूपांतर करू शकते, ज्यामुळे त्याचा चव आणि टेक्चरवर परिणाम होतो. बटाट्यांना फ्रीजमध्ये ठेवण्याऐवजी घरातील सामान्य तापमानात ठेवा.
३. टोमॅटो
रेफ्रिजरेशनमुळे टोमॅटोची चव कमी होऊ शकते आणि ते मऊ होऊ शकतात, त्यांना घरातील तापमानावर ठेवणेच योग्य असते.
४. कांदा
रेफ्रिजरेटरमध्ये कांदा ठेवल्याने त्याला बुरशी लागू शकते, तसेच कांदा चिवट बनू शकतो. कांदे नेहमी थोड्या थंड तापमानात, कोरड्या ठिकाणी ठेवावे.
५. अॅव्हकाडो
रेफ्रिजरेशन अॅव्हकाडोच्या पिकण्याच्या प्रक्रियेची गती कमी करू शकते आणि यामुळे त्याच्या चव आणि टेक्चरवर परिणाम होतो. हे फळ पिकेपर्यंत खोलीच्या तापमानात ठेवणे योग्य ठरेल.
६. लसूण
रेफ्रिजरेशनमुळे लसूण तुटू शकतो आणि रबरी होऊ शकतो. लसूण थंड आणि कोरड्या जागी ठेवावा, तसेच तो सूर्यप्रकाशापासून दूर ठेवा.
७. ब्रेड
रेफ्रिजरेशनमुळे ब्रेड कोरडे होऊ शकतात आणि ते जलद शिळे होऊ शकतात. ब्रेड नेहमी ब्रेड बॉक्समध्ये किंवा थोड्याशा थंड, गडद ठिकाणी ठेवण्याचा प्रयत्न करा.
८. मध
रेफ्रिजरेटरमध्ये मध ठेवल्यास ते घट्ट होतं. खोलीच्या तापमानामध्येच मध ठेवणे चांगले असते.
९. कॉफी बीन्स
कॉफी बीन्स फ्रीजमध्ये ठेवल्यास त्या इतर पदार्थांमधील ओलावा आणि गंध शोषून घेऊ शकतात. तुम्ही कॉफी बीन्स हवाबंद डब्यात थंड, गडद ठिकाणी ठेवू शकता.
हेही वाचा… गुलाबी साडी, कमरपट्टा अन्…, मनीमाऊचा VIDEOतील अस्सल मराठमोळा लूक पाहून नेटकरी म्हणाले, “नखरेवाली…”
१०. खरबूज
खरबूज, जसे की टरबूज, कॅनटालूप (cantaloupe) आणि हनीड्यू (honeydew) ते पिकेर्यंत रेफ्रिजरेटरमध्ये ठेवू नयेत. रेफ्रिजरेशनमुळे त्यांची चव कमी होऊ शकते आणि ते खारट होऊ शकतात.
