सॅलड सदाबहार : एशियन स्लॉ व नूडल्स सलाड

‘स्लॉ’ हा सलाडचाच एक प्रकार आहे. सँडविचसोबत याची चव काही औरच असते. स्लॉमध्ये कोबी, गाजर, ढोबळी मिरची, व्हिनेगर वापरतात. परंतु इथे आपण एक वेगळा प्रयोग केला आहे. या सलाडमध्ये गोड चव असलेला मिरची सॉस वापरला आहे. याला आंबट-गोड चव असते. ही चव आणायची असेल तर भेळेत वापरलेली चिंच चटणीही वापरता येते. गोड मिरची सॉस बनविण्यासाठी १ वाटी मध, १ टेबलस्पून व्हिनेगर आणि पाच ते सहा ताज्या लाल मिरच्या चिरून मिसळाव्या.