Obstructive Sleep Apnea या आजारामुळे झाले बप्पी लहरी यांचे निधन; तुम्हालाही दिसत असतील ‘ही’ लक्षणे तर सावध व्हा

ऑब्स्ट्रक्टिव स्लीप एपनिया म्हणजे काय?

ऑब्स्ट्रक्टिव स्लीप एपनिया हा झोपेसंबंधित श्वसनाचा एक आजार आहे. यामुळे झोपेच्या वेळी अनेकदा श्वासोच्छवास बंद होतो. परंतु याबद्दल रुग्णाला जराही कल्पना नसते. झोपेत श्वासोच्छवास बंद होण्याचा हा त्रास काही सेकंद ते १ मिनिटपर्यंत जाणवू शकतो. श्वसनासंबंधी या त्रासामुळे रुग्ण अनेकदा झोपेतून जागा होतो. परंतु एक किंवा दोन दीर्घ श्वास घेतल्यानंतर सर्व ठीक होते. एका रात्रीत असे पाच ते ३० वेळा होऊ शकते. सतत जाग आल्याने रुग्णांची झोप पूर्ण होत नाही. याच कारणामुळे या आजारानेग्रस्त असलेले रुग्ण संपूर्ण दिवस जांभई देत असतात. अशा लोकांना, त्यांना रात्री नीट झोप लागत नाही हे कळतही नाही.