Benefits of cabbage for face तंदुरुस्त आणि निरोगी राहण्यासाठी, भाज्यांचे सेवन करणे खूप फायदेशीर मानले जाते.भाज्यांमध्ये अनेक प्रकारचे पोषक तत्त्व असतात. पण तुम्हाला माहित आहेत का या भाज्यांचा वापर केवळ शरीर निरोगी ठेवण्यासाठी नाही तर तुमची त्वचा चमकदार करण्यासाठी देखील वापरला जाते. भाज्यांमुळे त्वचेच्या मृत पेशी काढून टाकून चेहऱ्याची चमक वाढवण्यासाठी भाज्या देखील खूप प्रभावी आहेत. चला तर मग जाणून घेऊयात कोबीच्या भाजीचा फेस पॅक बनवण्याच्या काही सोप्या पद्धती
तुमचा चेहरा सुंदर बनवायचा असेल तर तुम्ही कोबीपासून बनवलेला फेस पॅक वापरू शकता. कोबी खाण्यास स्वादिष्ट असण्यासोबतच चेहऱ्यासाठीही खूप फायदेशीर मानली जाते. त्यात जीवनसत्त्वे, खनिजे आणि अँटिऑक्सिडंट्स सारखे घटक असतात, जे त्वचेचे पोषण करतात आणि ती निरोगी आणि चमकदार बनवतात.
कोबीपासून फेस पॅक बनवा
आज आम्ही तुम्हाला कोबीपासून बनवलेल्या काही सोप्या आणि प्रभावी फेस पॅकबद्दल सांगणार आहोत, ज्याचा वापर करून तुम्ही तुमचा चेहरा उजळवू शकता. चला जाणून घेऊया फेस पॅक बनवण्याची पद्धत. कोबीपासून फेस पॅक बनवण्यासाठी तुम्हाला दोन चमचे कोबीचा रस घ्यावा लागेल, त्यात एक चमचा मध आणि चिमूटभर हळद घालावी लागेल. ही पेस्ट तयार करून तुमच्या चेहऱ्यावर आणि मानेवर लावा, त्यानंतर २० मिनिटांनी धुवा. चेहरा धुतल्यानंतर मॉइश्चरायझर लावायचे लक्षात ठेवा.
कोबीपासून फेस स्क्रब बनवा
तुम्ही कोबी आणि दही यांचा फेस पॅकही बनवू शकता. २ टेबलस्पून कोबीच्या रसात १ चमचा दही आणि १/२ चमचे बेसन मिसळावे लागेल. ही पेस्ट चेहऱ्यावर १५ मिनिटे लावा. त्यानंतर थंड पाण्याने धुवून चेहऱ्यावर मॉइश्चरायझर लावा.
कोबी आणि कोरफड
कोबी आणि कोरफडीचा फेस पॅक बनवण्यासाठी तुम्हाला २ टेबलस्पून कोबीच्या रसात १ टेबलस्पून एलोवेरा जेल मिसळून पेस्ट बनवावी लागेल, २० मिनिटे चेहरा आणि मानेवर लावा, त्यानंतर चेहरा धुवा आणि मॉइश्चरायझर लावा.
कोबीचे फायदे
हे फेसपॅक लावल्याने त्वचेशी संबंधित सर्व समस्या दूर होतात. ते त्वचेला हायड्रेट करण्यास आणि पोषण करण्यास मदत करते. कोबीपासून बनवलेला फेसपॅक त्वचेला थंडावा देतो. तुम्ही ते आठवड्यातून दोन ते तीन वेळा वापरू शकता.
हेही वाचा >> Summer foods: उन्हाळ्यात निरोगी राहण्यासाठी आवळ्याचे ‘या’ प्रकारे करा सेवन
या गोष्टी लक्षात ठेवा
हा फेस पॅक चेहऱ्यावर लावण्यापूर्वी चेहरा पूर्णपणे स्वच्छ करून घ्या आणि पॅच टेस्ट करा. काही लोकांना त्याची ऍलर्जी असू शकते. कोणत्याही प्रकारची समस्या उद्भवल्यास डॉक्टरांचा सल्ला घेणे आवश्यक आहे.
