आवळ्याचे फायदे माहित असूनही आहारात समाविष्ट करत नाही का? मग, आवळ्याचे हे सहज तयार होणारे पदार्थ खा

हर्बल चहा
आवळा हर्बल चहा बनवणे खूप सोपे आहे आणि ते प्यायल्याने रोगप्रतिकार शक्ती मजबूत होते. आवळा हर्बल चहा बनवण्यासाठी आवळ्याचे छोटे तुकडे करून पाण्यात उकळवा. जर चहा खूप आंबट वाटत असेल तर त्यात थोडे मध देखील घालता येईल.

हेही वाचा – अंड्याचे कवच टाकून देताय? गार्डनिंगपासून भांडी साफ करण्यापर्यंत ‘असा’ करू शकता वापर, जाणून घ्या मजेशीर हॅक्स

सॅलड
आवळा सॅलड बनवण्याऐवजी आवळ्याचा रस तुमच्या कोणत्याही आंब्याच्या सॅलडमध्ये वापरता येईल. लिंबाच्या रसाऐवजी आवळ्याचा रस सॅलड ड्रेसिंगसाठी वापरा. यामुळे सॅलडची चवही वाढेल आणि आरोग्यासाठी आवळ्याचे पूर्ण फायदेही तुम्हाला मिळतील.

आवळा मुरांबा
आवळ्याचा मुरांबा चवीला गोड आणि आंबट असतो, त्यामुळे त्याचा एकाच वेळी जास्त वापर केला जात नाही. आवळा मुरांबा बनवण्यासाठी प्रथम साखर किंवा गुळाचे सरबत बनवा. त्यात उकडलेला आवळा घाला आणि काही वेळ सिरपमध्ये बुडवून ठेवा. तुमचा आवळा मुरांबा तयार आहे.

हेही वाचा – बाजारातून आणलेले रताळे दुसऱ्याच दिवशी खराब होतात? खरेदी करण्याच्या ट्रिक्स जाणून घ्या, जास्त दिवस राहतील ताजे

आवळा डिटॉक्स वॉटर
आवळा सेवन करण्याचा दुसरा पर्यायात म्हणजे एका ग्लास पाण्यात २ चमचे आवळ्याचा रस मिसळून प्या. हे आवळा पाणी सकाळी प्यायल्याने शरीरातील विषारी द्रव्ये निघून जातात, पोटाच्या समस्या दूर होतात आणि वजन कमी करण्यावर त्याचा परिणाम दिसून येतो.