Benefits of lemon water: सकाळी उठल्यावर बहुतांश लोक चहा किंवा कॉफी घेतात. हल्ली काही जण काहीच घेत नाहीत तर काही जण सुकामेवा फळं असं काही खातात. पण ज्यांना वजन कमी करायचे आहे असे बरेच लोक सकाळी उठल्यावर कोमट पाणी, मध आणि लिंबू हे पेय पितात. यामुळे शरीर डीटॉक्स व्हायला मदत होते आणि शरीरावर असलेली अनावश्यक चरबी घटण्यासही याचा चांगला उपयोग होतो असा आपला समज असतो. पण हा समज खरंच बरोबर आहे का, त्याचा वजन कमी होण्यासाठी फायदा होतो का आणि रिकाम्या पोटी असे काही घेणे आरोग्यासाठी चांगले असते का याबाबत जाणून घेऊयात. यामध्ये लिंबू पाण्याविषयी त्या विस्ताराने बोलल्या असून हे पाणी पिण्याचे फायदे कोणते पाहूयात.
सकाळी रिकाम्या पोटी कोमट लिंबू पाणी पिण्याचे फायदे – विशेषतः जेव्हा रिकाम्या पोटी कोमट लिंबू पाणी सेवन केल्यानं पचन सुधारण्यापासून ते त्वचेचे आरोग्य सुधारण्यापर्यंतच्या विविध फायद्यांशी हे संबंधित आहे. पण विज्ञान काय म्हणते? चला या साध्या पेयाचे फायदे जाणून घेऊया.
वजन व्यवस्थापन
वजन कमी करण्यासाठी लिंबू पाणी पिण्याचा फायदा होतो का हा प्रश्न अनेकदा विचारला जातो. वजन नियंत्रित करू पाहत आहेत त्यांच्यासाठी लिंबू पाणी हे उपयुक्त असू शकते. याचा फायदा नक्की होतो पण तुम्ही त्यासोबत जीवनशैलीत इतर कोणतेही बदल करत नसाल तर त्याचा म्हणावा तसा फायदा होत नाही. त्यामुळे आहार, व्यायाम यांसारख्या इतर गोष्टींकडेही तितक्याच गांभिर्याने लक्ष द्यायला हवे.
पचनास मदत
दिवसाची सुरुवात कोमट पाण्याने केल्याने तुमची पचनक्रिया सुधारण्यास मदत होते. दरम्यान, लिंबूमध्ये सायट्रिक ऍसिड पचन प्रक्रिया अधिक सुरळीत आणि अधिक कार्यक्षम होते.तसेच लिंबू पाणी हे एखाद्या लॅक्झेटीव्हप्रमाणे काम करते त्यामुळे पोट साफ होण्याच्या कार्यात अडथळे असतील तर ते दूर होण्यास याचा चांगला उपयोग होतो. बद्धकोष्ठतेची समस्या असेल तर ती दूर होण्यास मदत होते.
रोगप्रतिकारक शक्ती
लिंबू व्हिटॅमिन सीने भरलेले असतात, रोगप्रतिकारक शक्तीसाठी आवश्यक पोषक. हे जीवनसत्व आजारांपासून बचाव करण्यात आणि जळजळ कमी करण्यात महत्त्वपूर्ण भूमिका बजावते. रोज लिंबू पाणी पिल्यानं शरिराला व्हिटॅमिन सी मिळते.
हायड्रेशनला मदत
कोमट लिंबू पाणी हा दिवसाच्या सुरुवातीलाच हायड्रेट करण्यासाठी मदत करतात. डिहायड्रेशन किंवा निर्जलीकरण म्हणजेच शरीरातील पाण्याची पातळी कमी होणं. शरीरात योग्य प्रमाणात पाणी नसल्यास त्याचा परिणाम रक्ताभिसरण, पेशींच्या कार्यावर होतो. केवळ तहान लागेल तेव्हाच पाणी पिण्याच्या सवयीमुळे पेशींमध्ये पाण्याची कमतरता होते आणि त्याचा मेंदू, हृदय, यकृत, मूत्रपिंड, पोट याच्या कार्यावर परिणाम होऊ शकतो.
हेही वाचा >> तुमच्या नखांवरून समजते तुमचे आरोग्य; ‘नखे’ देतात गंभीर आजारांचे संकेत, ही लक्षणे दिसताच वेळीच व्हा सावध!
त्वचेसाठी फायदेशीर
लिंबूमध्ये मोठ्या प्रमाणात अँटी-ऑक्सिडंट्सचा साठा असतो. यामुळे नियमित मर्यादित स्वरुपात लिंबू पाणीचे सेवन केल्यास त्वचेला खोलवर पोषण तत्त्वांचा पुरवठा होतो. यामुळे सुरकुत्या, पिगमेंटेशन, मुरुम इत्यादी त्वचेशी संबंधित समस्या दूर होण्यास मदत मिळते.
