रक्तदाब वाढणे म्हणजेच हायपरटेन्शन हे शरीरासाठी अनेक प्रकारे हानिकारक ठरू शकते. उच्च रक्तदाबामुळे हृदय आणि मज्जातंतूंना इजा होण्याचा धोका जास्त असतो, याशिवाय या स्थितीमुळे स्ट्रोकसारख्या जीवघेण्या समस्यांचा धोकाही वाढतो. यामुळेच आरोग्य तज्ज्ञ सर्व लोकांना जीवनशैली आणि आहार योग्य ठेवून रक्तदाब नियंत्रित ठेवण्याचा सल्ला देतात.
ब्लड प्रेशरचा धोका कमी करण्यासाठी लिंबू सेवनाद्दल तुम्ही ऐकले असेलच, पण त्यामुळे खरचं ब्लड प्रेशर नियंत्रित होऊ शकतो का? जाणून घेऊया याविषयीच्या अभ्यासातून काय समोर आले आहे?
लिंबू रक्तदाबाचा धोका कमी करू शकतो
संशोधकांना अभ्यासात असे आढळून आले आहे की,”जर तुम्ही उच्च रक्तदाबासाठी लिंबू सेवन केले तर काही लोकांमध्ये ते नियंत्रित करण्यासाठी ते फायदेशीर ठरू शकते. लिंबू पेयामध्ये अनेक खनिजे असतात जे रक्तदाब कमी करण्यासाठी फायदेशीर ठरू शकतात. कॅल्शियम आणि पोटॅशियम दोन्ही उच्च रक्तदाब असलेल्या लोकांमध्ये रक्तदाब कमी करतात आणि लिंबूमधून हे दोन्ही मिळू शकतात. दुसर्‍या अभ्यासात असे सूचित होते की, ”लिंबू पाण्याचे सिस्टोलिक ब्लड प्रेशर काउंट सहज सुधारण्यासाठी फायदे असू शकतात.”
हेही वाचा – Beauty Tips: पहिल्यांदाच ‘स्पा’ करणार आहात? मग महत्त्वाच्या गोष्टी लक्षात ठेवा
लिंबू आपल्या शरीरासाठी इतर अनेक प्रकारे फायदेशीर ठरू शकते.
तुमची त्वचा निरोगी ठेवते
लिंबू विशेषता ते म्हणजे त्यात असलेले व्हिटॅमिन-सी, ज्याला एस्कॉर्बिक ऍसिड असेही म्हणतात. आपले शरीर ते बनवू शकत नाही, म्हणून तुम्हाला ते अन्नातून मिळवावे लागेल. हे कोलेजन तयार करण्यात मदत करते, जे तुमची त्वचा लवचिक आणि निरोगी ठेवण्यासाठी आवश्यक आहे. पुरेशा प्रमाणात या पोषकतत्त्वांशिवाय त्वचेवर सुरकुत्या पडू लागतात. नक्कीच योग्य जीवनसत्त्वे आणि पोषण तुमचे वृद्धत्व कमी करू शकते.
अँटीऑक्सिडंट्स अनेक आजारांपासून दूर राहतील
लिंबामध्ये व्हिटॅमिन-सी, फ्लेव्होनॉइड्स, फेनोलिक अॅसिड आणि कॅमरिन भरपूर प्रमाणात असतात. फ्री रॅडिकल्समुळे होणाऱ्या नुकसानापासून शरीराचे रक्षण करण्यासाठी आणि कर्करोगासारख्या आजारांचा धोका कमी करण्यासाठी हे अँटीऑक्सिडंट्स तुमच्यासाठी फायदेशीर आहेत. फ्री-रॅडिकल्स तुमच्या पेशींना नुकसान पोहोचवू शकतात आणि आजारांना कारणीभूत ठरू शकतात, या समस्येमध्ये लिंबू सेवन करणे तुमच्यासाठी फायदेशीर आहे.
हेही वाचा – गुलाबपाण्याच्या आइस क्यूब्सने करा चेहऱ्याला मसाज; त्वचेवर येईल तेज!
मेंदूच्या आरोग्यास फायदा होतो
लिंबूमध्ये विशेष रसायने असतात जी शरीरातील विषारी पदार्थांपासून मेंदूच्या पेशींचे संरक्षण करण्यास मदत करतात. हे घटक जळजळ होण्यापासून संरक्षण करण्यास मदत करतात. पार्किन्सन रोग आणि अल्झायमर यांसारख्या मेंदूच्या आजारांचे धोके कमी करण्यासाठी देखील फायदे मिळू शकतात.
अशा प्रकारचे आरोग्य फायदे लक्षात घेता लिंबू सेवन करणे तुमच्यासाठी खूप फायदेशीर ठरू शकते.
