गूळ हा आपल्या जेवणातला एक महत्त्वाचा भाग आहे. गुळाचे सेवन करणे आरोग्यासाठी खूप फायदेशीर आहे. यामध्ये असलेले प्रथिने, व्हिटॅमिन बी १२, कॅल्शियम आणि लोहासारखे पोषक घटक आपल्या चांगल्या आरोग्यासाठी खूप महत्वाचे आहेत. गुळामध्ये फॅटचे प्रमाण खूपच कमी असते, त्यामुळे वजन कमी करण्यातही ते गुणकारी आहे.
दिवसातून एकदा गूळ खाल्ल्याने शरीर डिटॉक्स होते. जेवणानंतर गुळाचे सेवन केल्याने शरीरातील पाचक एंजाइम बाहेर पडण्यास मदत होते. ज्या लोकांची पचनशक्ती खराब आहे, त्यांनी जेवणानंतर नियमितपणे गुळाचे सेवन करावे. गुळामुळे बद्धकोष्ठता दूर होते आणि पचनक्रिया सुधारते. हिवाळ्यात गरम गुळाचे सेवन आरोग्यासाठी खूप फायदेशीर आहे. चला जाणून घेऊया गुळाच्या सेवनाचे फायदे…
यकृत साफ करते:
गुळाचा छोटा तुकडा खाल्ल्यानंतर यकृत साफ होते. गूळ खाल्ल्याने पचनक्रिया सुरळीत राहून शरीराला पूर्ण पोषण मिळून शरीर निरोगी राहते.
त्वचा चमकदार बनते:
गूळ खाल्ल्याने शरीर तर चांगले राहतेच, पण त्याचबरोबर त्वचेवर चमकही येते. गुळातील लोह आणि फोलेट अॅसिड शरीरात पोहोचतात आणि त्वचेच्या पेशींमध्ये रक्ताभिसरण वाढवतात, त्यामुळे त्वचा सुधारते. याचे सेवन केल्याने तुम्ही तरुण आणि सुंदर दिसता.
बद्धकोष्ठता दूर करते :
ज्यांना बद्धकोष्ठतेची तक्रार असेल त्यांनी गुळाचे सेवन करावे. गूळ पाचक एंझाइम सक्रिय करतो, ज्यामुळे बद्धकोष्ठता दूर होते.
चयापचय वाढवते:
गूळ हा एक नैसर्गिक शरीर शुद्ध करणारा पदार्थ मानला जातो. गुळाचे जेवणानंतर दररोज सेवन केल्यास, तुमचे आरोग्य सुधारते. गूळ मेटाबॉलिज्म वाढवतो. आपले चयापचय जितके जास्त वाढेल तितक्या वेगाने तुमचे वजन कमी होईल. गुळातील पोटॅशियम चयापचय सुधारते.
अशक्तपणावर फायदेशीर:
गूळ हा लोहाचा खूप चांगला स्त्रोत आहे, जो शरीरातील अशक्तपणावर उपचार करतो. रक्ताची कमतरता पूर्ण करण्यासाठी जेवणानंतर गुळाचा तुकडा खायला हवा. यामुळे शरीरातील हिमोग्लोबिन खूप वेगाने वाढेल आणि अशक्तपणा टाळता येईल.
