तुम्हाला दैनंदिन कामांवर लक्ष केंद्रित करणे कठीण जात आहे का? तुम्ही गोष्टी सहज विसरत आहात का? एखादा महत्त्वाचा निर्णय घेण्याचा प्रयत्न करताना तुमचा अनेकदा गोंधळ होतो का? यापैकी कोणत्याही प्रश्नाचे तुमचे उत्तर होय असल्यास, ते ब्रेन फॉगचे लक्षण असू शकते. सध्या ब्रेन फॉग हा एक आरोग्याशी संबंधित शब्द सतत कानावर पडत आहे. ब्रेन फॉग ही एक सामान्य स्थिती आहे, जी तुमच्या योग्य विचार करण्याच्या क्षमतेवर परिणाम करते. मेंदूतील धुक्यासाठी कोणताही विशिष्ट उपचार नसला तरी आपल्या आहार आणि जीवनशैलीत काही बदल करून त्याचे व्यवस्थापन केले जाऊ शकते. तुमचा मेंदू किती चांगल्या प्रकारे कार्य करतो यावर तुम्ही दररोज खाल्लेल्या अन्नाचा मोठा फरक पडतो. अलीकडेच पोषणतज्ज्ञ लवनीत बत्रा यांनी त्यांच्या अधिकृत इन्स्टाग्राम हँडलवर चार पदार्थ सांगितले आहेत, जे ब्रेन फॉग कमी करण्यास आणि मानसिक स्पष्टता परत मिळविण्यात मदत करू शकतात.
ब्रेन फॉग म्हणजे काय?
ब्रेन फॉग ही एक अशी स्थिती आहे ज्यामध्ये तुमचा मेंदू नेहमीप्रमाणे कार्य करू शकत नाही. तुमचे विचार, स्मरणशक्ती आणि एकाग्रतेवर परिणाम करणारी लक्षणे तुम्हाला जाणवू शकतात. उपचार न केल्यास ब्रेन फॉग गंभीर समस्यांना कारणीभूत ठरू शकतात, जसे की स्मरणशक्तीवर परिणाम होणे.
ब्रेन फॉगची लक्षणे काय आहेत?
गोंधळ
लक्ष केंद्रित करण्यात अडचण
थकवा
विसरणे
ब्रेन फॉगची कारणे काय आहेत?
झोपेचा अभाव
हार्मोनल बदल
आहार
वैद्यकीय परिस्थिती
न्यूट्रिशनिस्टच्या मते, हे चार पदार्थ आहेत जे मेंदूचे ब्रेन फॉगचा धोका कमी करण्यास मदत करू शकतात:
१. ब्लूबेरी : बाजारामध्ये मिळणारे निळ्या रंगाचे फळ हे आरोग्यासाठी गुणकारी आहे. या निळ्या फळाला ब्लूबेरी (Blueberry) असे म्हणतात. चवीला आंबट गोड असणारे फळ आरोग्यसाठी अत्यंत फायदेशीर आहे. इतर फळांच्या तुलनेत हे फळ महाग असले तरी आरोग्यासाठी भरपूर गुणकारी आहे. ब्लूबेरीमध्ये व्हिटॅमिन सी, व्हिटॅमिन के, पोटॅशियम, मँगनीज, फायबर आढळून येते. तसेच हे फळ अँटीऑक्सिडंट्सने समृद्ध आहे.
२. अक्रोड : कोणत्याही प्रकारचे नट आपल्या मेंदूसाठी उत्तम मानले जातात. अक्रोड हे ओमेगा-३ चे उत्तम स्रोत आहेत, जे स्मरणशक्ती आणि संज्ञानात्मक आरोग्याला मदत करतात, त्यामुळे दररोज काही प्रमाणात सेवन करा. ते भिजवलेले असल्यास अधिक चांगले आहे.
३. पालक : ब्रेन फॉग कमी करण्यास मदत करणारे आणखी एक अन्न म्हणजे पालक (पालक). पोषणतज्ज्ञ स्पष्ट करतात की, पालकामध्ये आवश्यक जीवनसत्त्वे आणि खनिजे समृद्ध असतात, जी तुमच्या मेंदूचे पोषण करण्यासाठी आवश्यक असतात. पालकाचे सेवन केल्याने तुमच्या शरीराचा थकवा दूर होण्यास मदत होते, ज्यामुळे तुम्हाला मानसिकदृष्ट्या अधिक सक्रिय वाटते.
४. प्रथिने : तुमच्या आहारात प्रथिनेयुक्त पदार्थांचा समावेश करा. दही, चिकन, अंडी आणि मसूर यांसारख्या पदार्थांचा समावेश करा. चांगले मानसिक लक्ष आणि एकूण उर्जेसाठी हे आवश्यक आहे.
