Yoga For Sound Sleep: निद्रानाश हा असा आजार आहे ज्याचा त्रास अनेकांना होत असतो. हा आजार आपल्या आयुष्याचा एक भाग कधी बनतो हे आपल्याला कळत नाही. आश्चर्याची गोष्ट म्हणजे यावर कोणताही इलाज नाही. औषधे घेतल्याने ते कमी करता येते पण नाहीसे होत नाही. हा झोपेचा विकार आहे ज्याचा लोकांना सतत त्रास होत आहे. इंग्रजीत त्याला स्लीप डिसऑर्डर (sleep disorder) म्हणतात. अशी परिस्थिती ज्यामध्ये लोकांची झोप कमी होते आणि कधी कधी लोक रात्रभर जागे राहतात. आरोग्य तज्ज्ञांच्या मते, निद्रानाश दूर करण्यासाठी औषधापेक्षा ध्यान अधिक प्रभावी आहे. चला तर मग जाणून घेऊया चांगल्या झोपेसाठी कोणती आसने आवश्यक आहेत.
चक्रवकासन | Chakravakasana | Cat- Cow Pose
सर्व प्रथम, चटईवर गुडघे टेकून बसा.
आता पुढे वाकून हात जमिनीवर ठेवा.
अशा प्रकारे तुम्ही दोन गुडघे आमि दोन हातांवर प्राण्यांसारखे उभे राहा.
दोन्ही पायांमध्ये थोडे अंतर ठेवा.
मान आणि पाठीचा कणा सरळ ठेवा आणि दीर्घ श्वास घ्या.
आता श्वास सोडताना पाठीचा कणावरच्या दिशेला ओढण्याचा प्रयत्न करा.
नंतर श्वास घेताना खालच्या दिशने वाकवा. असे ३ ते ५ वेळा करा.
यामुळे तुमच्या पाठीच्या आणि मानेच्या दुखण्यापासून आराम मिळेल. याशिवाय मणक्यातही लवचिकता येईल.
उत्तानासन | Uttanasana | Forward Fold
सर्वप्रथम, चटईवर सरळ उभे रहा.
पाय सरळ ठेवा आणि दीर्घ श्वास घ्या आणि हात खाली करून कंबरेतून वाका.
या काळात तुमचे गुडघे वाकू नयेत हे लक्षात ठेवा.
आता हाताने बोटांना स्पर्श करण्याचा प्रयत्न करा
आणि आपल्या गुडघ्याला नाकाने स्पर्श करा.
हे आसन केल्याने मन शांत होते आणि निद्रानाशाच्या समस्येपासून आराम मिळतो.
बालासन | Balasana | Child’s Pose
चटईवर गुडघे टेकून बसा.
आता तुमच्या गुडघ्यावर बसा.
दीर्घ श्वास घ्या आणि पुढे झुका.
दोन्ही मांड्यांमध्ये पोट घ्या आणि श्वास सोडा.
आणि आपल्या नाकाने चटईला स्पर्श करण्याचा प्रयत्न करा. हे आसन ४ वेळा करा.
(टिप – लेख प्राप्त माहितीवर आधारित आहे)
