घर स्वच्छ करताना अनेकदा आपण खिडक्यांची स्वच्छता दररोज करीत नाही. अशा वेळी खिडक्यांच्या काचांवर धुळीचे थर साचत जातात आणि काचा खराब होतात. मग अनेक उपायांनीही काही उपयोग होत नाही. पण, आज आम्ही तुम्हाला काही ‘हटके उपाय’ सांगणार आहोत. फक्त पाच रुपये खर्च करून या उपायांद्वारे तुम्ही खिडक्यांच्या काचा नव्यासारख्या चमकवू शकता.
बेकिंग सोडा
बेकिंग सोड्याचा वापर आपण विशेषत: स्वयंपाकघरात करतो; पण तुम्हाला माहिती आहे का बेकिंग सोड्याचा वापर करून तुम्ही खिडक्यांच्या काचाही स्वच्छ करू शकता. सुरुवातीला बेकिंग सोडा मऊ कापडावर लावून, त्याने काचेवर घासा. त्यानंतर सुती कापड आणि पाण्याच्या मदतीने खिडक्या स्वच्छ करा.
हेही वाचा : फक्त 10 रुपयांमध्ये दूर करा बाथरुमचा पिवळटपणा, काचेसारखी चमकतील टाइल्स
व्हिनेगर
एका स्प्रेच्या बाटलीमध्ये व्हिनेगर भरा आणि खिडकीवर स्प्रे करा. त्यानंतर स्वच्छ कपड्याने पुसून घ्या.
डिश सोप लिक्विड
स्वयंपाकघरातील भांडी आपण कित्येकदा ‘डिश सोप लिक्विड’ने स्वच्छ करतो. पण, तुम्हाला खिडक्यांच्या खराब काचा स्वच्छ करायच्या असतील, तर तुम्ही हा भांडी घासण्याचा द्रवरूपी साबण वापरू शकता. त्यासाठी ‘डिश सोप लिक्विड’ आणि थोडे पाणी एका स्प्रेच्या बाटलीमध्ये भरा. त्यानंतर खिडक्यांवर हा स्प्रे मारा आणि स्वच्छ कपड्याने पुसा.
हेही वाचा : How to Clean Laptop Screen : लॅपटॉप कसा स्वच्छ करावा? ‘या’ टिप्स वापरुन पाहा, दिसेल अगदी नव्यासारखा
मीठ
मीठ केवळ जेवणाची चवच वाढवत नाही; तर ते काचांची चकाकीही वाढवू शकते. त्यासाठी पाण्यात थोडे मीठ मिसळा. हे मिश्रण काचांवर लावा आणि मग कपड्याने काचा नीट पुसून घ्या.
