DIY : दिवाळीत कंदिलाची शोभा वाढवतील हे ‘मिनी कंदील’; फक्त या तीन गोष्टी वापरून बनवा…

दरवर्षीप्रमाणे या वर्षीसुद्धा फक्त कंदील, पणत्या, रांगोळी आणि साध्या दिव्यांच्या माळा लावायचा तुमचा विचार असेल, तर जरा थांबा. @monicraftcreation या इन्स्टाग्राम हँडलने शेयर केलेल्या व्हिडीओमध्ये तुम्ही सोप्या पद्धतीने दुकानातून आणलेल्या दिव्यांच्या साध्या माळांची, सुंदर सजावट करून त्यांना दिव्यांच्या मिनी कंदिलांप्रमाणे कसे लावू शकता हे दाखवलं आहे. त्यामुळे तुम्ही नेहमी लावता त्या साध्या माळेऐवजी या वर्षी हे खास दिव्यांच्या माळेचे मिनी कंदील लावून पाहा. अशा दिव्यांच्या माळा सजवण्यासाठी घरात असणाऱ्या केवळ या तीन गोष्टींची आवश्यकता आहे. ती म्हणजे दोरा, डिंक/गम आणि फुगे. केवळ या गोष्टी तुमच्या दिवाळीची सजावट खुलवण्यासाठी मदत करू शकतात. दिव्यांच्या माळेसाठी हे छोटे छोटे कंदील कसे बनवायचे ते पाहू.

आणखी वाचा

चंद्रपूर: स्नेहमिलन दिवाळीचे, जेवणात मटनचॉप्स…निवडणुकीने सणाची व्याख्याच…

१८ नोव्हेंबर पंचांग: संकष्टी चतुर्थी १२ पैकी कोणत्या…

नव्या संचातील ‘वस्त्रहरण’चा शेवटचा प्रयोग आज ठाण्यात, नेत्यांनाही भुरळ

CM Eknath Shinde : “बॅगेत फक्त कपडे, युरिन पॉट…”, मुख्यमंत्री एकनाथ शिंदेंच्याही सामानांची तपासणी!

योगींच्या ‘बटेंगे तो कटेंगे’नंतर पंतप्रधान मोदींकडून ‘एक हैं तो सेफ है’चा नारा

निसर्गलिपी : हंडीतली बाग

दिवाळीनंतरही मुंबईतील हवेच्या गुणवत्तेत सुधारणा नाहीच!, सलग पाच दिवसांच्या घसरणीमुळे अशुद्ध हवा

सिंहगड रस्ता भागात सजावट साहित्याच्या गोदामात आग, रहिवासी भागात घबराट; अर्ध्या तासात आग आटोक्यात

हेही वाचा : DIY: चेहऱ्यावरचं सौंदर्य खुलवतील हे १० घरगुती फेसपॅक; कसे बनवायचे पाहा

दिवाळीसाठी मिनी कंदील कसे बनवावेत?

१. हे मिनी कंदील बनवण्यासाठी आपल्याला हवे तेवढे फुगे फुगवून घ्यायचे आहेत. फुगवलेल्या फुग्यांचा आकार हा लहान असायला हवा.

२. आता सुईमध्ये शिवणकाम करताना वापरला जाणारा दोरा ओवून घ्या. ही धागा ओवलेली सुई डिंक/गमच्या डबीत एका बाजूने टोचून दुसऱ्या बाजूने बाहेर काढा. असं केल्यामुळे दोऱ्याला गरजेपेक्षा जास्त गम लागणार नाही आणि तुमचे हातदेखील चिकट होणार नाहीत.

३. आता हा डिंकात भिजलेला दोरा तुम्ही फुगवलेल्या फुग्याभोवती गुंडाळा. पण, दोरा गुंडाळताना दोऱ्यामध्ये खूप जास्त किंवा अगदीच कमी जागा राहत नाहीये ना याची काळजी घ्या. प्रत्येक फुग्यासाठी तुम्ही तुमच्या आवडत्या रंगाचा दोरा घेऊ शकता.

४. सगळ्या फुग्यांभोवती दोरा गुंडाळल्यानंतर ते पंख्याखाली वाळण्यासाठी ठेवा.

५. सगळे फुगे वाळल्यानंतर त्या दोऱ्यांमध्ये गुंडाळलेल्या फुग्याचं टोक कात्रीनं कापून घ्या. फुग्यातील हवा काढून टाकल्यानंतर डिंक वाळून कडक झालेले दोरे त्याच आकारात राहतील. त्यामुळे त्यातील फुगा तुम्हाला सहज बाहेर काढता येईल.

६. सर्वांत शेवटी त्या सर्व दोऱ्यांनी तयार झालेल्या कंदिलांमधून दिव्यांची माळ ओवून घ्या.

आता तयार आहेत तुमचे, सोप्या पद्धतीने घरच्या घरी बनवलेले दिव्यांच्या माळेचे मिनी कंदील.

@monicraftcreation या इन्स्टाग्राम हँडलने या दिवाळीत दिव्यांच्या माळेसाठी बनवलेल्या या मिनी कंदिलाप्रमाणे अजूनही सजावटीचे काही व्हिडीओ शेअर केले आहेत.