Parenting Tips: प्रत्येक आई-वडिलांना आपल्या मुलाला सर्वोत्तम संस्कार द्यायचे असतात. त्यांच्या मुलांनी शिस्तबद्ध, शांत आणि आज्ञाधारक असावे अशी त्यांची इच्छा आहे. अनेक वेळा अति लाड केल्यामुळे मूल अति हट्टी (हट्टी)होते. त्याच्याकडून छोटीशी गोष्ट जर ऐकली नाही तर तो चिडचिड करतो आणि हट्टीपणा करतो आणि रडायला लागतो. अनेक वेळा मुलं इतकी चिडचिड करतात की, त्यांना एखादी गोष्ट करू नको सांगितले किंवा समजावले ती ते वाद घालू लागतात. जर तुमच्या मुलामध्येही अशी वाद घालण्याची सवय दिसत असेल तर लगेच सावध व्हा. ही सवय वेळीच सुधारणे गरजेचे आहे.अशा मुलांशी सामना करण्यासाठी पालकत्वाच्या काही टिप्स जाणून घेऊया.
प्रत्येक मागणी पूर्ण करण्याची गरज नाही
जर मुलं आपली मागणी पूर्ण न करण्याचा हट्ट धरत असेल आणि त्यासाठी रडत असेल तर घाबरून त्याचे हट्ट मान्य करू नका. अशा वेळी त्याला थोडा वेळ तसेच राहू द्या आणि तो शांत झाल्यावर त्याची मागणी का पूर्ण होऊ शकत नाही हे त्याला समजवा.
इतरांसमोर राग व्यक्त करू नका
मुलांना इतरांसमोर रागावू नका. आपल्यावर कोणी ओरडले हे जसे आपल्याला आवडत नाही तसेच मुलांनाही ते आवडत नाही. स्वतःवर नियंत्रण ठेवा आणि मुलाला बाजूला घेऊन त्याच्याशी बोलणे चांगले होईल.
हेही वाचा – Health Special : डायबेटिसवरच्या सल्ल्यांचं काय करायचं?
चिडचिडेपणाचे कारण जाणून घ्या
कधीकधी मुलांना ज्या गोष्टीचा त्रास होतो ते मुळ कारण नसते. काही शारीरिक किंवा मानसिक समस्यांमुळे मुले चिडचिडही होऊ शकतात परंतु त्यांना त्यांच्या भावना व्यक्त करण्यात अडचण येते. अशा परिस्थितीत, मुलाच्या समस्येचे कारण समजून घेण्याचा प्रयत्न केला पाहिजे.
हेही वाचा- तुम्ही रोज तूप खाल्ले तर तुमच्या शरीरावर काय परिणाम होईल? डॉक्टरांकडून जाणून घ्या….
स्वतः शिस्त पाळा
जर तुम्हाला तुमच्या पाल्याला शिस्तबद्ध बनवायचे असेल तर सर्वप्रथम हा गुण स्वतःमध्ये विकसित करा. मुले सर्वात जास्त शिकतात त्यांच्या पालकांकडून. आजूबाजूला घडणाऱ्या गोष्टी आपोआपच त्यांच्या अंगावर येतात.
चांगले नातं तयार करा
तुमच्या मुलाशी तुमचे नाते सुधारण्यासाठी तुम्ही त्यांच्यासोबत खेळून वेळ घालवला पाहिजे. पालक आणि मूल यांच्यातील चांगले नातं अनावश्यक हट्टीपणा आणि वाद कमी करू शकतात.
