Relationship Tips: ‘लाँग डिस्टन्स’ हे असे नाते आहे ज्यात दोन प्रेमी एकमेकांपासून दूर असले तरी नातेसंबंधात असतात. अशा नातेसंबंधांमध्ये राहणे जितके कठीण आहे तितकंच या नात्यात सावधगिरी बाळगणे देखील महत्त्वाचे आहे. अशा नातेसंबंधांमध्ये भागीदारांमध्ये गैरसमज किंवा मतभेद निर्माण होणे ही एक सामान्य गोष्ट आहे. लॉंग डिस्टन्स नात्यात दोन प्रेमी एकमेकांना पटकन भेटत नाहीत, जोडीदार असूनही एकटेपणा जाणवणे इत्यादी अनेक समस्या या नात्यात होतात. त्यामुळे अशा रिलेशनशिपमध्ये येण्याआधी तुम्ही काही गोष्टी समजून घेतल्या पाहिजेत, की समोरची व्यक्ती तुमचा वापर तर करत नाही ना किंवा त्याला तुमच्याद्वारे काहीतरी वेगळं हवं आहे. अशा रिलेशनशिपमध्ये फसवणूक टाळण्यासाठी काही गोष्टी नेहमी लक्षात ठेवल्या पाहिजेत, चला जाणून घेऊया त्यांच्याबद्दल…
१) विचार करून नाते वाढवा
सोशल मीडियावर तुम्हाला अनेक लोक भेटतील ज्यांच्याशी तुम्हाला बोलायला आवडेल, किंवा तुम्हाला त्यांच्याशी बोलताना वेळ कधी निघून गेला ते समजत नसेल. मात्र, याचा अर्थ असा नाही की तुम्ही अनोळखी लोकांशी लगेच मैत्री कराल. ओळखीशिवाय मित्र बनवण्याआधी सावधगिरी बाळगा. कोणतीही मैत्री वाढविण्याआधी समोरच्या माणसाला आधी ओळखून घ्या. नाही तर अचानक केलेली मैत्रीमळे तुमची पुढे जाऊन फसवणूक होऊ शकते.
२) फोटो आणि व्हिडिओ शेअर करणे टाळा
बरेच लोक त्यांचे फोटो आणि व्हिडिओ लॉंग डिस्टन्स नातेसंबंधातील भागीदारांसोबत शेअर करू लागतात, परंतु कुठल्याही व्यक्तीने त्यांचे फोटो आणि व्हिडिओ शेअर करू नये. कदाचित ती व्यक्ती त्यांचा चुकीच्या पद्धतीने वापर देखील करू शकते. त्यामुळे सहसा फोटो किंवा व्हिडीओ पाठवणे लॉंग डिस्टन्स नात्यात टाळा.
३) वैयक्तिक माहिती देणे टाळा
लॉंग डिस्टन्स नातेसंबंधात आल्यानंतर लगेचच, एखाद्याने आपल्या कुटुंबाची वैयक्तिक माहिती किंवा इतर वैयक्तिक माहिती समोरच्या व्यक्तीला कधीही देऊ नये, परंतु अनेक लोक अशा चुका करतात. या प्रकरणात, आपण थोडे सावध असणे आवश्यक आहे. असं केल्याने तुमची फसवणूक देखील होऊ शकते. त्यामुळे तुमची वैयक्तिक माहिती कधीही शेअर करू नका जोपर्यंत तुम्ही त्या माणसाला ओळखत नाही.
४) पैशांचे व्यवहार टाळा
लांबच्या नातेसंबंधात, जर तुम्ही जोडीदाराला भेटलात नसेल किंवा त्याला चांगले ओळखत नसाल, तर अशा परिस्थितीत पैशाचे व्यवहार टाळावेत. या बाबतीत थोडी अधिक काळजी घेण्याची गरज आहे. जोपर्यंत तुम्ही समोरच्या व्यक्तीला पूर्णपणे ओळखत नाहीत तोपर्यत पैशांचा व्यवहार करणे सहसा टाळा.
