diwali kandil making at home: सगळ्यांचा आवडता दिवाळी सण जवळ आला आहे. त्यानिमित्ताने बाजारात लगबग, लोकांची गर्दी सुरू झाली आहे. नवनवे आकाशकंदील, दिवे, नवनवीन तोरणे, रांगोळी अशा अनेक वस्तू बाजारात आल्या आहेत. अशातच दिवाळीआधीच अव्वाच्या सव्वा भाव लावणारे दुकानदार या सगळ्या वस्तू महागच विकतात आणि म्हणूनच सगळ्यांच्याच खिशाला त्या परवडणाऱ्या नसतात.
दिवाळीआधी नवनवीन कपडे, नवीन वस्तू आपण दरवर्षी खरेदी करतो. तसंच दरवर्षी नववीन आकाशकंदीलदेखील लोक खरेदी करतात. ट्रेंडिंग पॅटर्न, नवीन डिझाईन असलेला कंदील सगळ्यांनाच आकर्षित करतो. पण जुनं ते सोनं, असं म्हणतात ते काय चुकीचं नाही. दरवर्षी महागडा फॅशनेबल आकाशकंदील खरेदी करण्यापेक्षा घरच्या घरी कधीही ‘आउट ऑफ ट्रेंड’ न जाणारा आकाशकंदील तुम्ही बनवू शकता.
हेही वाचा… किचनतोड साफसफाई! दिवाळीआधी महिलेबरोबर घडलं असं काही की…, VIDEO पाहून बसेल धक्का
दिवाळी तोंडावर आलीय. अजूनही तुम्ही आकाशकंदील (Akash kandil making at home) घेतला नसेल आणि म्हणून तुम्हीदेखील नाइलाजाने महागडा आकाशकंदील घ्यायचा विचार करीत असाल, तर थांबा. घरच्या घरी जास्त खर्च न करता बजेटमध्ये अगदी काही वेळातच तुम्ही हवा तसा मोहक आकाशकंदील बनवू शकता. विशेष म्हणजे हा कंदील तुम्ही पुढच्या वर्षीही वापरू शकाल इतका तो छान टिकतो आणि तसाही आपल्या स्वत:च्या हातांनी बनवलेला फराळ असो किंवा काढलेली रांगोळी असो; ती छानच होते. त्याचप्रमाणे घरच्या घरी कंदील बनविण्याची मजा काही औरच असते. म्हणूनच तुम्हीही घरच्या घरी अगदी काही मिनिटांतच असा आकर्षक कंदील बनवू शकता.
आज आम्ही घरच्या घरी आकाशकंदील (kandil making at home for diwali) कसा बनवायचा ते अगदी सोप्या पद्धतीत सांगणार आहोत.
दिवाळी कंदील बनवण्यासाठी लागणारं साहित्य (Kandil-making materials)
- कार्डशीट पेपर
- पेपर ग्लू/ हॉट ग्लू गन
- ग्लिटर पेपर
- ग्लिटर टेप
दिवाळी कंदील बनवायची कृती
१. 7cm x 7cm च्या कागद घ्या त्याच्यावर 5cm x 5cm आकाराचा कागद चिकटवा.
२. त्यानंतर त्याची दोन्ही टोके फोल्ड करून घ्या आणि गम लावून येथे दाखवल्याप्रमाणे चिकटवून घ्या.
३. त्यानंतर त्याच्या मधोमध चौकोनी आकाराचा ग्लिटर पेपर चिटकवा.
४. येथे दाखवल्याप्रमाणे एका कागदाच्या मधोमध हे फोल्ड केलेले तुकडे चिकटवा आणि त्या कागदाच्या वर आणि खाली डेकोरेटिव्ह सेलोटेप लावून घ्या.
५. आता याची दोन्ही टोके गम लावून चिटकवून घ्या.
६. त्यानंतर एक A4 साईझचा पेपर घ्या. त्यावर उभ्या समातंर रेषा मारून त्या कापून घ्या. याचे दोन्ही टोक गोल आकारात चिटकवून घ्या.
७. आता A4 साईझने बनवलेल्या कंदीलाचा खालचा भाग वरच्या भागाशी जोडून घ्या.
