अंड्याचा पांढरा भाग आणि अंड्यातील पिवळ बलक दोन्ही आरोग्याच्या दृष्टीने फायदेशीर आहेत. अंड्यातील पिवळ्या बलकामध्ये उच्च चरबी आणि अमीनो ऍसिड असतात, तर त्याचा पांढरा भाग प्रथिनांनी समृद्ध असतो. अंड्याचे हे दोन्ही भाग मिळून सुपरफूडसारखे काम करतात. परंतु, काही लोक अंड्याचा पांढरा भाग किंवा अंड्यातील पिवळ बलक यांच्यातील एकच भाग खातात.पण, असं का होतं आणि त्यामागची कारणं काय आहेत? जाणून घेऊया..
अंड्यातील पिवळ बलक V/s अंड्याचा पांढरा (Egg yolk vs Egg white)
अंड्यातील पांढऱ्या भागाचे फायदे
अंड्यातील पांढरा भाग हृदयविकाराने त्रस्त असलेल्यांसाठी रुग्णांसाठी फायदेशीर आहे. हे उच्च कॅलरीज असलेले अन्न आहे जे शरीरात प्रोटीन तर देते परंतु कोलेस्ट्रॉल वाढवत नाही. याशिवाय त्यात अनेक प्रकारचे अमीनो अॅसिड असतात जे स्नायूंच्या विकारांना प्रोत्साहन देतात आणि स्नायूंच्या वाढीसाठी उपयुक्त ठरतात.
अंड्यातील पिवळ्या बलकाचे फायदे
अंड्यातील पिवळ बलकामध्ये कॅरोटीनोइड्स, ल्युटीन आणि जॅक्सैन्थिन असतात. हे सर्व अँटिऑक्सिडंट स्नायू तयार करण्यात मदत करतात आणि शरीरात बायोटिन सारखे संयुगे वाढवतात. याशिवाय, जे लोकं बारीक आहेत त्यांच्यासाठी याचे सेवन खूप फायदेशीर आहे. हे केसांच्या वाढीस प्रोत्साहन देते. तसंच शरीरातील प्रथिनांच्या कमतरतेमुळे उद्भवणारी लक्षणे दूर करण्यास मदत करते.
(हे ही वाचा: ‘या’ पदार्थांमुळे हाता- पायांच्या नसा फुगायला लागतात; वेळीच खाणे थांबवा)
आरोग्यासाठी अधिक फायदेशीर काय आहे?
अंड्यातील पिवळ बलक किंवा अंड्याचा पांढरा, दोन्ही वेगवेगळ्या परिस्थितीत फायदेशीर ठरू शकतात. म्हणजेच अंड्यातील पिवळ बलक बारीक लोकं आणि पूर्णपणे निरोगी लोक खाऊ शकतात. तसंच ज्या लोकांना वजन कमी करायचे आहे त्यांच्यासाठी अंड्याचा पांढरा भाग अधिक फायदेशीर आहे. जर तुम्ही पूर्णपणे निरोगी असाल आणि लठ्ठपणा आणि उच्च कोलेस्ट्रॉल टाळायचे असेल तर अंड्याचा पांढरा भाग खा.