how to save electricity of your fridge: प्रत्येक घरात अनेक उपकरणांच्या सततच्या वापरामुळे वीजबिल जास्त प्रमाणात येत असते. परिणामी वीजबिलात वाढ झाल्याने मोठ्या प्रमाणात आर्थिक भार वाढतो आणि त्याचा मानसिक त्रासही होत असतो. आता उन्हाळा सुरू झाला आहे. उन्हाळ्यात अनेकदा आपण फ्रिजमधून वस्तू आणि पाणी बाहेर काढण्यासाठी दार वारंवार उघडतो. त्यामुळे वीजबिलावर मोठ्या प्रमाणात परिणाम होतो. घरांमधील छोटे छोटे किचन हॅक्स तुम्हाला वीजबिल कमी येण्यासाठी नक्कीच मदत करतील. फ्रिज हे सर्वांत जास्त वीज वापरणारं उपकरण आहे. सोशल मीडियावर एक व्हिडीओ व्हायरल होत आहे. या व्हिडीओत एका गृहिणीनं असे काही हॅक्स सांगितले आहेत, जे तुम्हाला वीजबिल कमी करण्यासाठी नक्कीच मदत करतील.
गृहिणींकडे अनेक घरगुती युक्त्या असतात. दरम्यान, असाच एक स्वयंपाकघरातील जुगाड दाखविणारा अनोखा व्हिडीओ एका महिलेने शेअर केला आहे. हा व्हिडीओ सोशल मीडियावर प्रचंड व्हायरल होत आहे. तुम्ही कधी फ्रिजमुळे वाढू शकणारं वीजबिल कमी येण्यासाठी कागदाचा वापर केला आहे का? नाही ना.. मग एकदा करून बघा. हा जुगाड तुमच्यासाठी फायदेशीर ठरू शकतो. हा अनोखा जुगाड पाहून तुम्ही थक्क होऊन जाल. एका गृहिणीनं या जुगाडाचा शोध लावला असून, या अनोख्या जुगाडाचा व्हिडीओ सध्या सोशल मीडियावर व्हायरल होत आहे.
नेमकं काय करायचं?
व्हिडीओत तुम्ही पाहायला मिळेल की, गृहिणीनं सांगितल्यानुसार, अनेकदा फ्रिजचा दरवाजा उघडझाप केल्याच्या काही दिवसांनंतर तो दरवाजा नीट बंद होत नाही, ज्यामुळे त्यातील थंड हवा बाहेर येते आणि आपलं फ्रीज थंड होत नाही. त्यामुळे त्यातील वस्तू खराब होतात आणि वीजबिलही जास्त येते. आपल्या फ्रिजचा दरवाजा नीट लागत आहे की नाही, हे पाहण्यासाठी टिशू पेपर किंवा साध्या कागदाचा वापर करून तपासून पाहा. पेपर न फाटता सहज बाहेर येत असेल, तर नक्कीच आपल्या फ्रिजमध्ये बिघाड झाला. हे लक्षात घ्या… असे महिलेने सांगितले.
महिलेने सांगितल्यानुसार, फ्रिजच्या दरवाजामधील रबरामध्ये घाण साचल्याने ही समस्या निर्माण होते. त्यासाठी रबर स्वच्छ करीत राहणे गरजेचे आहे. काॅटनच्या साह्याने रबर नीट पुसून घ्या, असे महिलेने सांगितले आहे. त्यामुळे फ्रिजच्या दरवाजात टाकलेला कागद बाहेर येणार नाही. अशी चाचणी घेऊन खात्री केल्यानंतर फ्रिजचा दरवाजा खराब झाला असल्यास तो सुधारून घेतला, तर तुमचे वीजबिल नक्की कमी येईल, असा दावा त्या महिलेने केला आहे.
येथे पाहा व्हिडिओ
Puneri tadka या युट्यूब चॅनेलवर हा व्हिडीओ पोस्ट करण्यात आला आहे. हा जुगाड तुम्हीही नक्की ट्राय करुन पाहा आणि खरंच याचा फायदा तुम्हाला झाला का, हे आम्हाला कमेंट करुन कळवा.
(Disclaimer: या लेखात देण्यात आलेली माहिती सोशल मीडियावरील व्हायरल झालेल्या व्हिडीओवर आधारित आहे. लोकसत्ता याची पुष्टी करत नाही.)
