वर्क फ्रॉम होम करणाऱ्या लोकांना स्ट्रोकचा धोका वाढला, जाणून घ्या साधे-सोपे उपाय

आणखी वाचा

नाशिक शहरात विंधन विहिरींतील पाण्याचा पर्याय; टंचाई निवारणार्थ महापालिकेची व्यवस्था

Madhuri Dixit : डर चित्रपट माधुरी दीक्षितने का…

पडळकरांच्या टीकेला विरोध करायला हवा होता;  युतीतील राष्ट्रवादीकडून युगेंद्र पवारांची अपेक्षा

 ‘सर्व्हर डाऊन’ ! राज्यात स्वस्त धान्य वाटप रखडले…

सरकारी प्रकल्पांमुळेच धुळधाण, नागरिकांच्या आरोग्यावर परिणाम होण्याची शक्यता

पिंपरी : जिजामाता रुग्णालयातील रकमेचा अपहार; लिपिकाची खातेनिहाय चौकशी

नाशिक : आवक वाढल्याने कांद्याची घसरण

लाडकी बहीण योजनेच्या अर्ज छाननीत तीन टक्के त्रुटींचा संभव;  नाशिक विभागातील स्थिती

आरोग्य तज्ज्ञांच्या म्हणण्यानुसार, गेल्या दोन वर्षांपासून बहुतांश लोक घरून काम आणि अभ्यास करत आहेत. यामुळे लोकांमध्ये शारीरिक निष्क्रियता, अस्वस्थ आहाराचे सेवन, चयापचय विकार आणि लठ्ठपणाचा धोका वाढला आहे. लॉकडाउनशी संबंधित या सवयी स्ट्रोकचा धोका कसा वाढवू शकतात हे एका अभ्यासात दिसून आले आहे. याविषयी सविस्तर जाणून घेऊयात…

शारीरिक निष्क्रियतेचे गंभीर परिणाम होऊ शकतात
स्ट्रोक जर्नलमध्ये प्रकाशित केलेल्या अभ्यासात असे दिसून आले आहे की, घरातून वर्क फ्रॉम होम केल्याने लोकांमध्ये शारीरिक निष्क्रियतेत लक्षणीय वाढ झाली आहे. जे लोक एका जागी आठ तासांपेक्षा जास्त वेळ बसतात त्यांना स्ट्रोकचा धोका इतर लोकांपेक्षा सातपट जास्त असू शकतो. शारीरिक निष्क्रियतेमुळे लठ्ठपणा आणि चयापचय विकार देखील वाढत आहेत, ज्यामुळे अनेक गंभीर आरोग्य समस्यांचा धोका वाढतो.

आणखी वाचा : हिवाळ्यात रुम हीटर वापरणाऱ्यांनी काळजी घ्या, पश्चाताप होईल, जाणून घ्या काय आहे कारण ?

बैठी जीवनशैलीमुळे आरोग्याचे धोके वाढले
अभ्यासात शास्त्रज्ञांना असे आढळून आले की, बैठी जीवनशैलीमुळे शरीरात रक्त प्रवाह, लिपिड चयापचय, ग्लुकोज आणि जळजळ यासारख्या समस्या वाढतात. कालांतराने, याचा रक्तवाहिन्यांवर नकारात्मक परिणाम होतो, ज्यामुळे हृदयविकाराचा झटका आणि स्ट्रोकचा धोका अनेक पटींनी वाढू शकतो. घरून काम करणाऱ्या लोकांनी याबाबत खूप काळजी घेणे आवश्यक आहे.

या गोष्टी लक्षात ठेवा
आरोग्य तज्ज्ञांच्या मते, घरून आणि ऑनलाइन कामाचा अभ्यास करणाऱ्या लोकांनी त्यांच्या आरोग्याची विशेष काळजी घेणे आवश्यक आहे. कामाच्या दरम्यान एकदातरी फिरायला जा. याशिवाय आहाराची विशेष काळजी घ्या. जास्त वेळ एकाच जागी बसण्याच्या सवयीमुळे चयापचय क्रियेवरही परिणाम होतो, ज्यामुळे अनेक प्रकारच्या आजारांचा धोका वाढतो. सर्व लोकांसाठी नियमित व्यायाम आणि शारीरिक क्रियाकलाप आवश्यक आहेत.

आणखी वाचा : बेडशीट किती दिवसात बदलावे? यामागचे कारण बहुतेकांना माहीत नाही, जाणून घ्या…

नियमित व्यायामाने धोका दूर होईल
अभ्यासानुसार, व्यायाम आणि शारीरिक हालचालींमुळे बैठी जीवनशैलीचे नकारात्मक परिणाम कमी होण्यास मदत होते. अमेरिकन हार्ट असोसिएशनच्या मते प्रौढांनी प्रत्येक आठवड्यात किमान १५० मिनिटे मध्यम किंवा ७५ मिनिटे व्यायाम करण्याचे लक्ष्य ठेवले पाहिजे. धावणे, सायकल चालवणे किंवा चालणे यासारख्या व्यायामांसह योगाला तुमच्या जीवनशैलीचा एक भाग बनवा. करोनाला रोखण्यासाठी घरून काम करणे चांगले आहे, पण त्याच्या दुष्परिणामांबाबतही सावध राहण्याची गरज आहे.

(टीप: हा लेख वैद्यकीय अहवाल आणि आरोग्य तज्ञांच्या सूचनांच्या आधारे तयार करण्यात आला आहे. )