Oral Health Tips: तोंड स्वच्छ आणि दात निरोगी ठेवण्यासाठी फ्लॉसिंग खूप महत्वाचे आहे. सर्वात चांगली गोष्ट म्हणजे ते कधीही, कुठेही केले जाऊ शकते. फ्लॉसिंग केल्याने तुमचे दात निरोगी राहतात. तसंच फक्त ब्रश करून दात पूर्णपणे स्वच्छ होत नाहीत. फ्लॉसिंगमूळे तोंडामधील हानिकारक बॅक्टेरिया निघून जातात दात पूर्णपणे स्वच्छ होतात.
फ्लॉस कसे कार्य करते?
फ्लॉस हा धाग्यासारखा असतो, जो दातांच्या त्या ठिकाणीही पोहोचतो, जिथे टूथब्रश पोहोचू शकत नाही. त्यामुळे तोंड अधिक चांगले स्वच्छ होते. जेव्हा आपण अन्न खातो तेव्हा ते दातांमध्ये अडकते आणि जर ते वेळीच काढले नाही तर संसर्ग, प्लेक आणि हिरड्यांचे आजार देखील होऊ शकतात. त्यामुळे दिवसातून दोनदा फ्लॉस करणे फायदेशीर ठरते.
( हे ही वाचा: WFH Side Effects: तुम्ही देखील ‘वर्क फ्रॉम होम’ करताय? जाणून घ्या त्याचा मानसिक आरोग्य आणि वैयक्तिक जीवनावर होणारा परिणाम)
फ्लॉसिंग हिरड्यांना आलेली सूज प्रतिबंधित करते
हिरड्यांचा दाह हा एक सामान्य हिरड्याचा आजार आहे जो वारंवार संक्रमणाने अधिक तीव्र होतो. यामध्ये हिरड्या सुजतात आणि रक्तही बाहेर येऊ लागते. यामुळे दातांना संसर्ग होतो, जो खूप वेदनादायक असू शकतो. डॉक्टरांचा असा विश्वास आहे की निरोगी हिरड्यांमधून रक्तस्त्राव होऊ नये आणि जर असे होत असेल तर आपल्याला दररोज फ्लॉस आणि ब्रश करणे आवश्यक आहे.
फ्लॉसिंग हानिकारक बॅक्टेरिया काढून टाकते
दररोज ब्रश केल्याने दात बर्‍याच प्रमाणात स्वच्छ होतात, तर फ्लॉसिंगमुळे दात सर्व बाजूंनी स्वच्छ होतात. यामुळे दातांमध्ये प्लेक जमा होत नाही, ज्यामुळे दात किडणे आणि पोकळी निर्माण होते. फ्लॉस या सर्व समस्या टाळतो.
( हे ही वाचा: सौंदर्य वाढवणारी लिपस्टिक तुमच्या आरोग्यासाठी आहे घातक? जाणून घ्या कसे)
फ्लॉसमुळे शरीरही निरोगी राहते
जर तुमचे मौखिक आरोग्य चांगले असेल तर याचा अर्थ तुमचे बाकीचे अवयव देखील चांगले आहेत. दात आणि हिरड्या निरोगी असल्यास हृदय, मूत्रपिंड आणि यकृताच्या आजाराचा धोकाही कमी होतो.
फ्लॉसिंग करणं महाग नाही आहे
दात किडल्यास, प्लेक काढणे, पोकळी उपचार किंवा इतर संसर्ग उपचार खूप महाग आहेत. दुसरीकडे, फ्लॉस खूप स्वस्त येतो आणि तुमचे दात दीर्घकाळ स्वच्छ आणि निरोगी ठेवते.