ग्रीन टी आणि ब्लॅक टीच्या फायद्यांबद्दल तुम्हा सर्वांना माहित असेलच आणि तुम्हाला हे देखील माहित असेल की ते अनेक आजार दूर करण्यासोबतच वजन कमी करण्यात मदत करते. पण ग्रीन टी, ब्लॅक टी किंवा दुधाचा चहा यापैकी आपल्या आरोग्यासाठी कोणता चहा जास्त फायदेशीर आहे हे तुम्हाला माहित आहे का? याचे उत्तर तुम्ही क्वचितच देऊ शकता. आज आपण याबद्दल अधिक माहिती जाणून घेणार आहोत.
ग्रीन टी आणि ब्लॅक टीच्या फायद्यांबद्दल बोलायचे तर, ब्लॅक टी चे अनेक फायदे आहेत, त्याचप्रमाणे ग्रीन टीही अनेक प्रकारे फायदेशीर आहे. परंतु काळ्या आणि हिरव्या चहामधील मुख्य फरक हा आहे की काळ्या चहाला किण्वनातून बनवले जाते तर ग्रीन टीला या प्रक्रियेतून जावे लागत नाही. किण्वन दरम्यान, चहामधून अनेक नैसर्गिक फायदेशीर घटक काढून टाकले जातात. एका संशोधनात असे समोर आले आहे की किण्वनातून बनवलेल्या अन्नातून इथाइल कार्बोनेट तयार होण्याची शक्यता असते आणि डब्ल्यूएचओच्या मते, इथाइल कार्बोनेट कर्करोगाचे कारण असू शकते. त्यामुळे या तर्कानुसार ग्रीन टी तुमच्या शरीरासाठी फायदेशीर आहे.
रात्रीच्या वेळी चुकूनही करू नये ‘या’ डाळीचे सेवन; फायद्याच्या जागी होऊ शकते मोठे नुकसान
दुसरीकडे, जर आपण त्यात असलेल्या कॅफिनबद्दल बोललो तर, काळ्या चहामध्ये ग्रीन टीपेक्षा २ ते ३ पट जास्त कॅफिन असते. काळ्या चहामध्ये कॉफीच्या तुलनेत सुमारे एक तृतीयांश कॅफिन असते, तर ग्रीन टीमध्ये एक चतुर्थांश कॅफिन असते. अधिक कॅफीन वजन कमी करण्यास मदत करते, म्हणून या तर्कानुसार, काळा चहा अधिक फायदेशीर आहे आणि तो आपल्या शरीरातील वजन कमी करतो.
तथापि, कॅफिन हा एक मादक पदार्थ आहे. दुसरीकडे, ग्रीन टी १० ते ४० मिलीग्राम पॉलीफेनॉलचा पुरवठा करते, जे तुमच्यासाठी अनेक प्रकारे अँटिऑक्सिडंट्स म्हणून कार्य करते. इतर कोणत्याही प्रकारची चहा हे कार्य करत नाही. त्यामुळे अनेक प्रकारे काळा चहा अधिक फायदेशीर आहे, तर अनेक प्रकारे ग्रीन टी तुमच्या आरोग्याला फायदेशीर आहे.
Hair Care tips : ‘या’ पद्धतीने घरच्या घरी बनवता येणार कंडिशनर; मिळतील अनेक फायदे
दुसरीकडे दुधाच्या चहाबद्दल बोलायचे झाल्यास, जर्मनीतील एका संशोधनात असे आढळून आले आहे की, दूध घातल्याने कोऱ्या चहातील अनेक घटक संपतात. वास्तविक, दुधात असलेले केसिन प्रोटीन चहाचा प्रभाव कमी करते. तर दुधाशिवाय चहा तुमच्या आरोग्याला अनेक प्रकारे फायदेशीर ठरतो. मात्र, चहाचेही अनेक फायदे असल्याचे अनेक संशोधनांमध्ये समोर आले आहे. चहा दातांसाठी फायदेशीर असून चहा सिगारेटचे दुष्परिणाम कमी करण्याचे काम करतो, असे म्हटले जाते.
