Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

फेट्यासाठी वापरल्या जाणाऱ्या कपड्यातही आता खूप बदल झालाय

गुढी पाडवा हा सण आणि पारंपरिकता या दोन गोष्टी हातात हात घालून असतात. नऊवारी साडी, नथ, चंद्रकोर, कुर्ता, धोती या वेशात अनेक तरुण तरुणी हौशेने शोभायात्रांमध्ये सहभागी होतात. गुढीपाडव्याच्या शोभायात्रांमध्ये डोक्याला फेटे बांधलेली मंडळीही खूप असतात. फक्त भगवे किंवा गुलाबी फेटेच नाही तर वेगवेगळ्या रंगांचे, स्टाइलचे फेटे आता पाहायला मिळतात. सध्या फेट्यांची नवनवीन स्टाइलही बाजारात आली आहे. गेल्या ६ वर्षांपासून फेटे बांधण्यात तरबेज असलेले शैलेश काळे फेट्यांच्या विविध प्रकाराबद्दल अधिक माहिती देतात.

मराठी फेटा, पंजाबी फेटा, मारवाडी फेटा असे फेट्यांचे खूप प्रकार आहेत. फेट्यासाठी वापरल्या जाणाऱ्या कपड्यातही आता खूप बदल झालाय. आधी केवळ कॉटनच्या कपड्याला स्टार्च करून फेटा बांधला जायचा. मात्र आता साडीच्या फेट्याचा ट्रेण्ड आहे. सुरुवातीला केशरी किंवा गुलाबी रंगाचा साधा फेटाच सर्वत्र बांधला जायचा. मग ते लग्न कार्य असो किंवा शोभायात्रा. पण आता यातही अनेक बदल झालेले दिसतात. जरीची बॉर्डर असलेल्या किंवा अगदी पारंपरिक काठा-पदराच्या सहावारी किंवा नऊवारी साड्यांचा फेटा अनेक जण बांधतात. त्याचबरोबर ‘बांधणी फेटा’ हा देखील प्रसिद्ध होतो आहे. लाला, हिरव्या, पिवळ्या किंवा मिश्र रंगसंगतीतला बांधणी फेटा एक भारी लूक देऊ शकतो. एकदम ‘रांगडा’ लूक हवा असेल तर कोल्हापुरी स्टाइलच्या फेट्याला पर्याय नाही. मोठा डौलदार तुरा आणि लांबलचक शेमला ही या फेट्याची खासियत आहे. कोल्हापुरी स्टाइलने बांधलेला फेट्याला आजही तेवढीच मागणी आहे.

आणखी वाचा

Muslim father card printed for hindu people at daughter wedding faces of hindu lord in amethi goes viral

PHOTO: मुस्लिम बापाकडून लेकीच्या लग्नात हिंदूंसाठी खास निमंत्रण; पत्रिकेवरील एका गोष्टीनं वेधलं लक्ष; सर्वत्र कौतुकाचा वर्षाव

sneha chavan marathi actress got married for second time

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Mallikarjun Kharge criticize BJP in nagpur

“बाटना और काटना हे भाजपचे काम” मल्लिकार्जुन खरगे यांची टीका

desi jugaad video old fridge convert into shoe rack

बाबो! खराब फ्रीजचा असा वापर तुम्ही आयुष्यात कधी पाहिला नसेल; Video पाहून युजर्सनी मारला कपाळावर हात

Viral video of a man carries a snake to the hospital after it bites him

सापाने दंश केला तरी जगण्याची इच्छा सोडली नाही, रुग्णालयात सापाला घेऊन आला अन्…, VIDEO पाहून माणसाच्या हिमतीला कराल सलाम

योगींच्या ‘बटेंगे तो कटेंगे’नंतर पंतप्रधान मोदींकडून ‘एक हैं तो सेफ है’चा नारा

The rambunctious bull came straight out of the ring

खतरनाक! उधळलेला बैल थेट कूंपण तोडून बाहेर आला… पुढच्या पाच सेकंदात जे घडलं; VIDEO पाहून उडेल थरकाप

स्त्री ‘वि’श्व : सौंदर्याचं वस्तूकरण

नेहमीच्या फेट्याला मोत्यांची किंवा लेसची बॉर्डर लावून सजवले तरीही ते सुरेख दिसतात. तसेच फेट्याला ब्रुचही वापरता येऊ शकते. बाजारात साधा एक फेटा ४० रुपये किंमतीने बांधून दिला जातो तर काठा-पदराच्या साड्यांचा फेटा हा सुमारे ५०० ते ५५० रुपयांप्रमाणे बांधून दिला जातो. यावरुनच सहावारी किंवा नऊवारी फेट्यांना किती मागणी आहे ते कळते. मग तुम्ही उद्या कोणता फेटा घालायला पसंती देणार बांधणीचा किंवा नऊवारीचा?

-मधुरा नेरुरकर

madhura.nerurkar@indianexpress.com

First published on: 27-03-2017 at 11:39 IST

Web Title: Gudhi padwa 2017 beautiful marathi fete style

Gudhi Padwa 2017 : फेटा पाहावा घालून…

फेट्यासाठी वापरल्या जाणाऱ्या कपड्यातही आता खूप बदल झालाय