Gudi padwa 2017: ‘यंदाचा पाडवा गुंतवणुकीचा’

अभिज्ञा भावे गुढी पाडव्याचा सण मोठ्या उत्साहात साजरा करण्यासाठी सज्ज झाली आहे. या सणाबद्दलच लोकसत्ता ऑनलाइनशी बोलताना अभिज्ञा म्हणाली, ‘यंदाचा पाडवाही मी सेटवरच साजरा करणार आहे. या सणाबद्दल मी उत्साही आहेच. पण, यंदा मी कोणा एका स्वरुपात गुंतवणूक करुन हा सण साजरा करणार आहे. मग ती गुंतवणूक कोणत्याही प्रकारची असू शकते. त्यामुळे गुंतवणुकीसाठी मी प्रयत्नशील असेन. पारंपरिक पद्धतीने गुढी पाडवा साजरा करण्याविषयी म्हणायचं झालं तर, घरी गोडाधोडाचा विशेष म्हणजे पुरणपोळीचा बेत असणारच आहे.’

आणखी वाचा

भारताच्या आर्थिक भक्कमतेबाबत आशावाद; २०२५ मध्ये जागतिक अर्थस्थिती मात्र कमकुवत; प्रमुख जागतिक अर्थतज्ज्ञांच्या या सुसंकेतामागील कारण काय?

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

निवडणुकीत प्रचंड बहुमत… आता महायुती सरकारकडून शक्तिपीठ महामार्गाला गती?

विश्लेषण : जिनोमइंडिया प्रकल्प भारतासाठी किती महत्त्वाचा?

चला अल्फापोर्टफोलिओ तयार करूया

ससा कासवाची गोष्ट : ‘टीसीएस’ला फळले… इन्फोसिस, विप्रोच्या तिमाही निकालांचे काय ?

फंड जिज्ञासा – ‘एसआयपी’च्या माध्यमातून संपत्ती निर्मिती

अल्फा पोर्टफोलिओ कसा तयार करायचा?

गुढी पाडवा आणि त्यानिमित्ताने विविध ठिकाणी आयोजित करण्यात येणाऱ्या शोभायात्रांमधील सळसळता उत्साह आणि एकंदर त्या सर्व वातावरणाविषयी सांगताना अभिज्ञाने तिच्या व्यग्र वेळापत्रकामुळे शोभायात्रांमध्ये सहभागी होता येत नसल्याची खंत व्यक्त केली. पण, त्यासोबतच जर का वेळ आणि संधी मिळाली तर आपण या खास दिवसाच्या निमित्ताने आयोजित करण्यात आलेल्या शोभायात्रेत नक्कीच सहभागी होऊ, अशी आशाही तिने व्यक्त केली. नवीन वर्ष म्हटलं की नवी सुरुवात आली आणि नवी सुरुवात म्हटलं की नवे संकल्प आलेच. नवीन वर्षाच्या निमित्ताने करण्यात येणाऱ्या संकल्पाविषयी विचारले असता अभिज्ञा म्हणाली, ‘माझा संकल्प बऱ्याच दिवसांपूर्वी सुरुही झाला आहे. मी सध्या सार्वजनिक ठिकाणी प्रवास करताना, वावरताना शक्य तितकी अस्खलित मराठी बोलण्याचा प्रयत्न करत आहे.’

गुढी पाडव्याच्या निमित्ताने मालिकांच्या सेटवरही उत्साहाचे वातावरण असते. अशाच वातावरणाचा उत्साह ‘खुलता कळी खुलेना’च्या सेटवरही पाहायला मिळणार आहे. पण, पाडव्याच्या निमित्ताने अभिज्ञा साकारत असलेल्या ‘मोनिका’च्या व्यक्तीरेखेसोबत फार काही चांगले घडणार नाहीये. पण, त्या एका व्यक्तिरेखेमुळेच मालिकेच्या कथानकामध्ये काही आकर्षक वळणं येतील, असेही अभिज्ञाने सांगितले.

शब्दांकन- सायली पाटील
sayali.patil@indianexpress.com