Diwali Padwa, Bali Pratipada 2024 Wishes In Marathi: दिवाळीनिमित्त देशभरात मोठ्या उत्साहाचे, चैतन्याचे वातावरण पाहायला मिळत आहे. फटाक्यांची आतषबाजी, फराळाचा गोडवा अन् नातेवाईक, मित्रपरिवारांच्या भेटीमुळे हा सण आयुष्यात खरंच नवा आनंद घेऊन येतो. दिवाळी सण नरक चतुर्दशीच्या अभ्यंगस्नापासून सुरू होतो. यानंतर लक्ष्मी पूजनाच्या दुसऱ्या किंवा तिसऱ्या दिवशी दिवाळी पाडवा (Diwali Padwa 2024) साजरा केला जातो. साडेतीन मुहूर्तांपैकी एक म्हणून हा सण ओळखला जातो. य़ा दिवशी सोने खरेदी, सुवासिनींकडून पतीला औक्षण, व्यापाऱ्यांसाठी वर्षाचा प्रारंभ अशा अनेक कारणांसाठी या दिवसाचे विशेष महत्त्व आहे.
या सणाला बलिप्रतिपदा असेही म्हटले जाते. यंदा २ नोव्हेंबर (शनिवारी) हा सण साजरा केला जाणार आहे. दिवाळी पाडव्यानिमित्त सोशल मीडियाद्वारे लोक एकमेकांना दिवाळी पाडव्याच्या खास शुभेच्छा देतात. तुम्हीदेखील दिवाळी पाडव्यानिमित्त खास मराठीतून WhatsApp Status, SMS, HD Greetings, Quotes द्वारा आपल्या मित्र-परिवारास हटके शुभेच्छा पाठवू शकता.
दिवाळी पाडवा व बालिप्रतिपदेच्या शुभेच्छा | Diwali Padwa Balipratipada 2024 Wishes In Marathi
१) आपुलकीच्या नात्यात मिसळू फराळाचा गोडवा…
सुख, समृद्धी घेऊन येतो दिवाळीचा पाडवा…
दिवाळी पाडव्याच्या हार्दिक शुभेच्छा!
२) सुमुहूर्तावरी पाडव्याच्या एकात्मतेचे लेणे लेऊया,
भिन्न विभिन्न असलो तरी सर्व मनाने एक होऊया.
दिवाळी पाडवा व बलिप्रतिपदेच्या हार्दिक शुभेच्छा!
३) धनाचा होवो वर्षाव, सर्व ठिकाणी होवो तुमचं नाव
मिळो नेहमी समृद्धी अशी, होवो खास तुमची आमची दिवाळी
दिवाळी पाडव्याच्या खूप खूप शुभेच्छा! (Happy Diwali Padwa, Bali Pratipada Wishes In Marathi)
४) पाडवा आगमनाने आपल्या आयुष्यात सदैव गोडवा यावा!
सत्याचा असत्यावरचा विजय नेहमीच नव्याने प्रेरणा देत राहो!
थोरा मोठ्यांचे आशीर्वाद आपल्याला मिळत राहो!
दिवाळी पाडवा व बलिप्रतिपदेच्या हार्दिक शुभेच्छा!
५) नवा सुगंध नवा ध्यास, नव्या रांगोळीची नवी आरास,
स्वप्नातले रंग नवे, आकाशातले असंख्य दिवे,
दिवाळी पाडव्याच्या हार्दिक शुभेच्छा!
दिवाळी पाडवा कोट्स 2024 | Diwali Padwa 2024 Quotes In Marathi
६) गरजवंतांच्या घरी येवो समृद्धी,
हीच देवाचरणी प्रार्थना
दिवाळी पाडव्याचा खूप खूप शुभेच्छा!
७) आज बलिप्रतिपदा, दिवाळीचा पाडवा. राहो सदा नात्यात गोडवा.
८) सगळा आनंद, सगळे सौख्य,
सगळ्या स्वप्नांची पूर्तता. सगळे ऐश्वर्य आपणास लाभू दे…
दिवाळी पाडव्याच्या खूप शुभेच्छा!
९) तेजोमय दीप तेवावा आज तुमच्या अंगणी,
तेजोमय प्रकाश पडावा सदैव तुमच्या जीवनी – बलिप्रतिपदा अन् दिवाळी पाडव्याच्या शुभेच्छा!
१०) ईडा पीडा टळो, बळीचं राज्य येवो..
सर्वांना बलिप्रतिपदा, दीपावली पाडव्याच्या व बलिप्रतिपदेच्या खूप-खूप शुभेच्छा!
