New Year 2025 Visa Free Countries : इयर सेलिब्रेशनसाठी लोक भारतासह परदेशातील वेगवेगळ्या ठिकाणी जातात. तिथे कुटुंब किंवा मित्रांसह न्यू इयर सेलिब्रेट करतात. जर यंदा तुम्हीही कुठेतरी सुंदर ठिकाणी प्रवास करण्याचा विचार करत असाल तर तुम्ही नेपाळला जाऊ शकता. भारताचा शेजारी देश नेपाळ हा सौंदर्याच्या बाबतीत खूपच सुंदर देश आहे, जेथे जाऊन तुम्ही व्यस्त जीवनातून बाहेर पडून निवांत क्षण अनुभवू शकता. व्हिसा आणि पासपोर्टशिवायही तुम्ही या शांतताप्रिय देशाला सहज भेट देऊ शकता.(New Year 2025 Celebrations)
नेपाळमध्ये करा न्यू इयर सेलिब्रेशन ( Celebrate New Years eve in Nepal)
शेजारील देश नेपाळमध्ये जाण्यासाठी तुम्हाला जास्त पैसे खर्च करावे लागणार नाहीत. अगदी कमीत कमी पैशात तुम्ही नेपाळची आंतरराष्ट्रीय टूर करू शकता. आम्ही तुम्हाला भारतातून नेपाळला कसे जायचे, नेपाळला जाण्यासाठी सर्वोत्तम मार्ग कोणता आहे आणि नेपाळला जाण्यासाठी किती खर्च येईल, नेपाळमध्ये फिरण्यासाठी बेस्ट ठिकाणं कोणती आहेत अशा सर्वांची माहिती देऊ..
नेपाळला पोहोचायचे कसे? (How To Reach Nepal)
नेपाळला जाण्यासाठी तुम्ही दिल्लीसह भारतातील अनेक शहरांमधून फ्लाइट घेऊ शकता. दिल्ली ते नेपाळची राजधानी काठमांडू अशी थेट उड्डाणे आहेत. तुम्ही थेट काठमांडूला जाऊ शकता. फ्लाइट तिकिटासाठी तुम्हाला ६००० रुपये आणि त्याहून अधिक खर्च करावा लागू शकतो. त्याच वेळी जर तुम्ही दिल्लीहून नेपाळला बसने जाण्याचा विचार करत असाल, तर तुम्ही भारत-नेपाळ मैत्री बस सेवेद्वारे नेपाळलाही जाऊ शकता. या बसने नेपाळला पोहोचण्यासाठी तुम्हाला २५ ते ३० तास लागू शकतात. नेपाळला बसने जाण्यासाठी तुम्हाला ३००० रुपयांपर्यंत खर्च येतो.
नेपाळमध्ये प्रवेश करण्यासाठी भारतीयांना कोणत्या कागदपत्रांची आवश्यकता आहे?
भारतातून नेपाळला जाण्यासाठी व्हिसा किंवा पासपोर्टची आवश्यकता नाही. पण आधार कार्ड, पॅन कार्डसह इतर भारतीय ओळखपत्र पुरावे बरोबर ठेवण्यास विसरू नका.
नेपाळमधील हॉटेलचे भाडे किती आहे? (What documents do Indians need to enter Nepal?)
जर तुम्ही नेपाळला जाण्याचा विचार करत असाल तर कमी खर्चात तुम्ही तिथे राहू शकता. तिथली हॉटेल्स परवडणाऱ्या किमतीत उपलब्ध आहेत. तुम्हाला नेपाळमध्ये सुमारे १५०० ते ५००० रुपयांमध्ये चांगली हॉटेल्स मिळू शकतात, ज्यामध्ये तुम्ही सहज राहू शकता. तुम्ही नेपाळमध्ये कमीत कमी पैशांत अनेक वस्तू खरेदी करू शकता.
नेपाळमध्ये भेट देण्यासाठी प्रसिद्ध ठिकाणं (Famous places to visit in Nepal)
पशुपतिनाथ मंदिर
पशुपतिनाथ मंदिरापासून तुम्ही नेपाळमधील टूर एक्सप्लोर करू शकता. हे मंदिर नेपाळची राजधानी काठमांडूपासून तीन किलोमीटर अंतरावर बागमती नदीच्या काठावर आहे. हे मंदिर भगवान शिवाला समर्पित असून जगभर प्रसिद्ध आहे. हिंदू धर्माचे लोक येथे भगवान शंकराच्या दर्शनासाठी जातात. जर तुम्हीही नेपाळला जात असाल तर या मंदिरात भगवान शिवाचे दर्शन नक्की करा.
‘या’ ठिकाणांना जरूर भेट द्या
नेपाळची राजधानी काठमांडू हे पाहण्यासाठी बेस्ट ठिकाणांपैकी एक आहे. काठमांडूला भेट दिल्यानंतर तुम्ही पोखरा, लुंबिनी, जनकपूर, माता सीतेचे जन्मस्थान, एव्हरेस्ट प्रदेश, चितवन राष्ट्रीय उद्यान, काठमांडू व्हॅली या सुंदर ठिकाणांनाही भेट देऊ शकता.
