Cashews Benefits : काजू हे सुक्यामेव्यातील सर्वांचे आवडते फळ आहे. काजूची भाजी, मिठाई, भाजलेले किंवा कच्चे काजू अशा वेगवेगळ्या प्रकारे काजू खायला आपल्याला आवडते. काजू उष्णकटिबंधीय झाड आहे. भारतातील अनेक राज्यांमध्ये काजूची लागवड केली जाते. याच्या झाडाची उंची १४ मीटर असते. या झाडाचे वैशिष्ट्य म्हणजे ते खूप वेगाने वाढते. काजूमध्ये भरपूर प्रमाणात लोह आणि प्रथिने आढळतात. यासह मॅग्नेशियम, कॅल्शियम, व्हिटॅमिन बी अशी पोषक तत्वे देखील आढळतात. म्हणजेच बहुतांश सर्वांना आवडणारे काजू आरोग्यासाठी भरपूर गुणकारी आहेत. तसेच काही आजारांसाठी देखील काजू खाणे फायदेशीर मानले जाते. काजू खाण्याचे फायदे जाणून घेऊया.
काजू खाण्याचे फायदे
हृदय निरोगी ठेवते
काजूमध्ये अँटिऑक्सिडंट आणि फॅटी ॲसिड भरपूर प्रमाणात आढळते. तसेच काजूच्या सेवनाने कोलेस्ट्रॉल आणि रक्तदाब नियंत्रणात राहण्यास मदत होते. त्यामुळे काजू खाल्ल्याने हृदय निरोगी राहते.
रोगप्रतिकार शक्ती वाढवते
काजूमध्ये अँटिऑक्सिडंटसह झिंक मिनरल आणि विटामिन्स यांसारखे आवश्यक पोषक तत्वे आढळतात. त्यामुळे काजू खाल्ल्याने शरीरातील रोगप्रतिकारक शक्ती वाढते.
Weight Loss Drinks : वजन कमी करायचे आहे? ही देशी पेयं ट्राय करा नक्की मिळेल फायदा
स्मरणशक्ती वाढते
रोज काजू खाल्ल्याने स्मरणशक्ती वाढते. यामध्ये आढळणारे फॅटी ॲसिड मेंदूच्या आरोग्यासाठी फायदेशीर असते. त्यामुळे रोज काजू खाण्याचा सल्ला दिला जातो.
साखर नियंत्रणात राहते
तज्ञांच्या मते काजूमध्ये मॅग्नेशियम, पोटॅशियम आणि आर्जिनिन आढळतात. हे पोषक घटक साखर नियंत्रित ठेवण्यास मदत करतात. परंतु काजूमध्ये कॅलरीजचे प्रमाण जास्त असते, त्यामुळे काजूचे सेवन मर्यादित प्रमाणात करावे.
(येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.)
