रोज लसणाच्या दोन पाकळ्या खाल्ल्याने रक्तातील साखर अन् कोलेस्ट्रॉल झपाट्याने होईल कमी; डाॅक्टरांकडून सेवनाची पध्दत जाणून घ्या

दिल्ली येथील इंद्रप्रस्थ अपोलो हॉस्पिटल्सचे वरिष्ठ सल्लागार, डॉ. मुकेश गोयल म्हणतात, “अभ्यासात असे आढळून आले आहे की, सध्याच्या मेटा-विश्लेषणामध्ये १,५०० हून अधिक सहभागींच्या एकत्रित एकूण २९ अभ्यासांचे परिणाम एकत्रित केले आहेत. हे दर्शविते की, लसणामुळे HbA1C पातळी कमी होते आणि कमी घनतेच्या लिपोप्रोटीन (LDL) किंवा खराब कोलेस्ट्रॉलमध्ये थोडीशी घट होते.”

(हे ही वाचा: तुम्ही रोज रिकाम्या पोटी आल्याचा तुकडा चघळल्याने तुमच्या शरीरावर काय परिणाम होईल? डॉक्टरांकडून जाणून घ्या…)

लसण केवळ जेवणाची चवच वाढवत नाही तर त्याचे अनेक फायदेही आहेत. लसणाच्या सेवनाने रक्तातील साखर आणि कोलेस्ट्रॉल कमी होण्यास मदत होते. एलिसिन सारखे अनेक घटक लसणात आढळतात, जे रक्तातील साखर आणि चरबी संतुलित ठेवण्यास मदत करतात. संशोधकांचा असा विश्वास आहे की लसूण पूरक आहार घेतल्यास तुम्हाला फायदा होऊ शकतो.  रक्तातील साखरेचे प्रमाण कमी करण्यासाठी लसूण खूप उपयुक्त असल्याचे संशोधनात आढळून आले आहे. 

लसणामुळे रक्तातील ग्लुकोजची पातळी कमी होते, जी मधुमेह व्यवस्थापनासाठी महत्त्वपूर्ण आहे, परंतु कोलेस्ट्रॉलची पातळी देखील कमी करते. त्यामुळे धमन्यांमध्ये प्लेक तयार होणे आणि हृदयविकाराचा झटका येणे टाळता येईल, असे डाॅक्टरांचे म्हणणे आहे.

रक्तातील साखरेचे प्रमाण आणि कोलेस्ट्रॉल नियंत्रणात ठेवण्यासाठी दररोज सकाळी लसणाच्या दोन पाकळ्या कोमट पाण्याने धुवा आणि चावून घ्या. अशाप्रकार कोलेस्ट्रॉल कमी करण्यासाठी व रक्तातील साखरेचे प्रमाण कमी करण्यासाठी तुम्ही रिकाम्या पोटी लसणाच्या पाकळ्यांचे सेवन करु शकता.