पाम तेल म्हणजे कचरा नाही, ICMR ने मान्य केले पाम ऑइलचे फायदे; आरोग्यतज्ज्ञांनी सांगितली वापराची योग्य पद्धत

नवीन आहारविषयक मार्गदर्शक तत्त्वांचे उद्दिष्ट भारतीयांना माहितीपूर्ण निवड करण्यासाठी सक्षम बनवणे व एकूणच चांगल्या आरोग्याला चालना देणे असे आहे. केअर हॉस्पिटल्समधील क्लिनिकल आहारतज्ज्ञ जी सुषमा यांनी इंडियन एक्सस्प्रेसला दिलेल्या माहितीनुसार, पाम तेल हे त्यामधील संतृप्त चरबीच्या प्रमाणामुळे घातक मानले जाते पण आश्चर्याची बाब म्हणजे या तेलाच्या वापराचे काही फायदे सुद्धा आहेत. आपण योग्य पद्धतीने या तेलाचा वापर केल्यास नेमका कसा लाभ होऊ शकतो हे जाणून घेऊया..

आणखी वाचा

खाद्यतेलात आत्मनिर्भर होण्याच्या घोषणा हवेतच ! जाणून घ्या, एका वर्षात किती खाद्यतेलाची आयात झाली आणि त्यासाठी किती रुपये मोजले

Nana Patole : निकालाआधी राजकीय घडामोडींना वेग; यातच…

शंभरी गाठलेल्या कांद्यामुळे ग्राहक जेरीस, जाणून घ्या, शेतकऱ्यांना किती दर मिळतो, ग्राहकांना किती रुपये मोजावे लागतात

नुकसानीमुळे कांदा उत्पादक, तर दरवाढीमुळे ग्राहक त्रस्त; कांदा शंभरीवर

हिंजवडी आयटी पार्कला जलप्रदूषणासाठी नोटीस; सामाईक सांडपाणी प्रक्रिया प्रकल्पावर प्रदूषण नियंत्रण मंडळाचा ठपका

कुतूहल : कृत्रिम बुद्धिमत्तेतून हव्या त्या गुणधर्मांचा पदार्थ

रोज काय भाजी करावी सुचत नाही? १ कांदा चिरून करा मलाई फ्लावर; बोटं चाटत रहाल अशी चमचमीत फ्लॉवरची भाजी

Kitchen Jugaad: दुधात संत्र्याची साल टाकताच कमाल झाली; Video पाहाल तर दररोज कराल हा उपाय

पाम तेलाचे पोषण प्रोफाइल

पाम तेल हे चरबीच्या बाबतीत मिश्रित असते. त्यात सॅच्युरेटेड फॅट्स असतात, जे एलडीएल (खराब) कोलेस्टेरॉल वाढवू शकतात, पण त्यात निरोगी मोनोअनसॅच्युरेटेड आणि पॉलीअनसॅच्युरेटेड फॅट्स देखील असतात. याव्यतिरिक्त, पाम ऑइलमध्ये अ आणि ई जीवनसत्त्वे असतात, जी रोग प्रतिकारशक्ती आणि निरोगी त्वचेसाठी आवश्यक आहेत, सुषमा सांगतात की, पाम तेलात असणारे अँटिऑक्सिडंट्स शरीरातील फ्री रॅडिकल्सच्या नुकसानाशी लढतात.

पाम तेल आणि कोलेस्ट्रॉल

अभ्यास सुचवितो की, ट्रान्स फॅट्सपेक्षा तुलनेने कमी वेगात का होईना पण पाम तेल एलडीएल कोलेस्ट्रॉल वाढवू शकते, मात्र त्याच बरोबरीने एचडीएल (चांगले) कोलेस्ट्रॉल वाढवण्याची क्षमता हा सुद्धा पाम तेलाचा एक छुपा फायदा आहे. यामुळे रक्तप्रवाहातून (एलडीएल) कोलेस्टेरॉल काढून टाकण्यास मदत होते परिणामी हृदयाचे आरोग्य सुधारण्यास हातभार लागू शकतो.

पाम तेलाला एक निरोगी निवड कसे बनवता येईल?

संयम महत्त्वाचा: इतर तेलांप्रमाणेच पाम तेलाचा वापर हा प्रमाणात कारण आवश्यक आहे. जास्त प्रमाणात सॅच्युरेटेड फॅटचे सेवन केल्याने तुमच्या हृदयाचे आरोग्य धोक्यात येऊ शकते. ऑलिव्ह ऑईल, मासे, नट्स आणि बियांमधून निरोगी फॅट्सचा शरीराला पुरवठा करा व संतृप्त चरबीचे सेवन टाळा.

आहारातील संतुलन आवश्यक आहे: पाम तेलाचा वापर हा फळे, भाज्या, संपूर्ण धान्य आणि पातळ प्रथिने असलेल्या संतुलित आहाराचा एक भाग असावा.

हे ही वाचा<< कलिंगड व टरबुजामुळे विषबाधा होण्याचा धोका कसा टाळावा? लाल, रसाळ फळ दिसलं तरी ‘या’ गोष्टी करूनच खा

स्मार्ट कुकिंग पद्धती: तळणे आणि बेकिंग यांसारख्या कमी उष्णता आवश्यक असलेल्या कुकिंग पद्धतींसाठी पाम तेल वापरा. तळण्यासारख्या उच्च-तापमान आवश्यक असणाऱ्या पद्धतींमध्ये पाम तेल वापरणे टाळा कारण यामध्ये हानिकारक संयुगे तयार होऊ शकतात. अधिक उष्णता आवश्यक असणाऱ्या पदार्थांमध्ये ऑलिव्ह ऑईल किंवा कॅनोला तेल यांसारख्या आरोग्यदायी तेलांसह पाम तेलाचे मिश्रण करू शकता.

RSPO (राऊंडटेबल ऑन सस्टेनेबल पाम ऑइल) सर्टिफिकेट असणारे पाम तेल निवडा. यासाठी उत्पादनावर छापलेले तपशील आवर्जून वाचा.

विचारपूर्वक सेवन केल्यास पाम तेल निरोगी आहाराचा भाग असू शकतो.