आपल्या सर्वांना लांब, चमकदार केस हवे आहेत, ज्यामध्ये पांढरे केस दिसणार नाहीत. पण, वृद्धत्व, अनुवांशिकता आणि इतर कारणांमुळे केस लवकर किंवा उशीरा पांढरे होतातच. जेव्हा एखाद्याला त्याचा पहिला पांढरा केस दिसतो तेव्हा त्यांना दिल्या जाणाऱ्या अनेक सल्ल्यांपैकी एक म्हणजे पांढरा केस तोडू नका. पण का? कारण असे मानले जाते की, तुमचे पांढरे केस उपटल्याने तुमच्या टाळूवर अधिक पांढऱ्या केसांची वाढ होते. पण, हे खरे आहे का? याबाबत डर्मटॉलॉजिस्ट, डॉक्टर जुश्या सरीन यांच्यासोबत चर्चा केली असता त्यांनी ”हे एक मोठे असत्य आहे” असे सांगतिले. पांढरे केस तोडल्यामुळे ते आणखी वाढता या मोठ्या प्रमाणावर विश्वास असलेल्या मिथकाचा पर्दाफाश केला आहे.
”प्रत्येक केस दुसर्‍यापासून स्वतंत्र आहे. तुमचे केस ऑक्सिडेटिव्ह नुकसानीमुळे रंग गमावतात. आनुवंशिकता आणि पौष्टिक कमतरता देखील याला कारणीभूत ठरू शकतात,” असे त्यांनी यावेळी स्पष्ट केले. ”अशा प्रकारे, एक केस ओढल्याने शेजारच्या केसावर परिणाम होणार नाही. “जर तुमचे केस पांढरे होत असतील तर याचा अर्थ तुमचे केस नैसर्गिक मार्गाने जात आहेत. हे तुम्ही घेत असलेल्या पोषणावर आणि तुमच्या आनुवंशिकतेवर अवलंबून असू शकते,” असे डॉ सरीन यांनी सांगितले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
