हृदय आणि रक्तवाहिन्यांसंबंधित आजारांपासून दूर राहायचेय? मग तज्ज्ञांनी सांगितलेल्या ‘या’ चार सवयी टाळा

व्यक्तीच्या धमन्यांमध्ये चरबी आणि कोलेस्ट्रॉल जास्त प्रमाणात जमा झाल्यामुळे हृदयापर्यंत रक्त प्रवाह पोहोचण्यात अडचणी येतात. अशा परिस्थितीत व्यक्तीला हृदयविकाराचा झटका येण्याची शक्यता असते. यामुळे हृदयरोगतज्ज्ञ काही सवयी आणि पदार्थ टाळण्याचा सल्ला देतात, ज्यामुळे तुम्ही हृदयाची नीट काळजी घेऊ शकता. याविषयी हृदय शल्यचिकित्सक डॉ. जेरेमी लंडन यांनी इन्स्टाग्रामवर एक पोस्ट केली आहे, ज्यात त्यांनी हृदयरोग टाळण्यासाठी कोणत्या सवयी टाळल्या पाहिजेत हे सांगितले आहे.

आणखी वाचा

Tapeworm Pills : लठ्ठपणा कमी करण्यासाठी टेपवर्मचा वापर? त्याचा शरीरावर किती घातक परिणाम?

“लग्नाची बातमी सर्वात आधी राज ठाकरेंना…”, प्रेमाची जाहीर…

पाठीच्या दुखण्याने हैराण झालात? रोज ४० मिनिटे करा डॉक्टरांनी सुचवलेल्या ‘या’ गोष्टी; दुखणं होईल एकदम कमी

उत्सवांच्याकाळात महिला सुरक्षेसाठी साध्या वेशातील पोलीसांची गस्त

कारवीचं फुलणं… एक क्लेशदायक अनुभव

शाळकरी मुलींशी अश्लील कृत्य प्रकरणात जप्त केलेली गाडी फोडली, वंचितच्या पदाधिकाऱ्यांसह नऊ जणांवर गुन्हा

केसातील उवा कोणत्या ऋतूमध्ये होतात? त्यांच्यापासून दूर राहण्यासाठी तज्ज्ञांनी सांगितला उपाय…

प्लास्टिकचा भस्मासूर शेतांना गिळंकृत करू पाहतोय…

हृदय आणि रक्तवाहिन्यांसंबंधित आजारांपासून दूर राहण्यासाठी टाळा ‘या’ चार सवयी

१) सिगारेट ओढणे टाळा.
२) दारू पिणे टाळा, कारण तुमच्या शरीरातील प्रत्येक पेशीसाठी अल्कोहोल विषारी आहे.
३) शीतपेये पिणे टाळा.
४) मैद्यापासून बनवलेले अन्नपदार्थ खाणे टाळा.

डॉ. लंडन म्हणाले की, तुम्ही आहाराचे योग्य प्रमाणात सेवन केल्यास ८० टक्के वजन नियंत्रण ठेवू शकता. म्हणजे वजन नियंत्रणात ८० टक्के भाग हा आहारावर अवलंबून असतो, तर २० टक्के भाग व्यायाम आहे; त्यामुळे व्यक्तीने काहीही खाताना जरा विचार करून खाल्ले पाहिजे.

हृदय आणि रक्तवाहिन्यांसंबंधित आजारात या सवयींमुळे कसे नुकसान होते? जाणून घ्या

या विषयावर मुंबईतील सर एचएन रिलायन्स फाऊंडेशन हॉस्पिटल अँड रिसर्च सेंटरचे सल्लागार कार्डियाक सर्जन डॉ. बिपीनचंद्र भामरे इंडियन एक्स्प्रेसशी बोलताना म्हणाले की, अति मद्यपान किंवा धूम्रपान केल्याने उच्च रक्तदाब होऊ शकतो, ज्याला हायपरटेंशन असेही म्हणतात. उच्च रक्तदाबामुळे एखाद्या व्यक्तीच्या हृदयाच्या स्नायूवर दबाव येऊ शकतो, परिणामी हृदयविकाराचा झटका येतो.

सॉफ्ट ड्रिंक्सला ‘लिक्विड डेथ’ असेही म्हणतात, कारण त्यात जास्त प्रमाणात साखर असते; ज्यामुळे तुमच्या हृदयाच्या आरोग्याला हानी पोहोचते. पास्ता, ब्रेड, स्नॅक्स आणि कपकेक यांसारख्या मैद्याच्या पिठापासून बनवलेल्या खाद्यपदार्थांमुळे हृदयविकाराचा झटका येऊ शकतो. कारण तुमचे शरीर हे पदार्थ खाल्ल्यानंतर त्याचे साखरेत रूपांतर करते आणि चरबीच्या स्वरूपात साठवते. यामुळे पोटाभोवती चरबी जमा होऊ शकते, ज्यामुळे हृदयाचे आरोग्य खराब होऊ शकते. यामुळे हृदयविकाराचा झटका येऊ शकतो, असेही डॉ. भामरे म्हणाले.

यामुळे तुम्हाला हृदयाच्या आरोग्याशी संबंधित तुमच्या चिंता आणि हृदयविकाराचा धोका कसा कमी करावा याविषयी डॉक्टरांचा सल्ला घ्या, त्यांच्याशी चर्चा करा, तुमचे हृदय आणि एकूणच आरोग्य सुधारण्यासाठी ते तुम्हाला एक योग्यप्रकारचा आहार खाण्याचा सल्ला देऊ शकतात.

“छातीत दुखणे, थकवा येणे, डोके दुखणे, थंड घाम येणे, मळमळ होणे आणि श्वास घेण्यास त्रास होणे या लक्षणांकडे दुर्लक्ष करू नका. व्यक्तीने नियमित व्यायाम केला पाहिजे, यासाठी रोज ४० मिनिटे चालणे किंवा सायकल किंवा पोहणे गजरेचे आहे, असेही डॉ. भामरे म्हणाले.