तुम्ही बर्फाचे थंडगार पाणी पिता का? उन्हाळ्यात बर्फाचे पाणी प्यायल्याने पचनक्रिया का मंदावते?

उन्हाळ्यामध्ये अनेकदा आपण बर्फाचे थंडगार पाणी पितो. पण, तुम्हाला माहीत आहे का की उन्हाळ्यात बर्फाचे पाणी प्यायल्याने पचनक्रिया मंदावते किंवा ऋतूंनुसार तुमच्या आतड्यांतील बॅक्टेरिया बदलतात आणि उन्हाळ्यातील काही “निरोगी” पदार्थ पचवणे त्रासदायक ठरू शकतात? यावर उपायांकडे जाणून घेण्यापूर्वी, उन्हाळ्यातील उष्ण हवामान पचनक्रियेत का व्यत्यय आणते ते समजून घेऊया :

शरीरातील पाण्याती पातळी कमी झाल्याने पचक्रिया मंदावते ( Dehydration Slows Digestion)

शरीरातील पाण्याची पातळी थोड्या प्रमाणातही कमी झाली तर आपले शरीर मोठ्या आतड्यातून पाणी खेचून घेते, परिणामी बद्धकोष्ठता म्हणजे पोट साफ न होण्याचा त्रास होतो.

उष्णतेमुळे आतड्यातील बॅक्टेरिया बदलतात ( Heat Stress Alters Gut Bacteria)

संशोधनातून असे दिसून आले आहे की, अति उष्णता आतड्यातील चांगले बॅक्टिरया कमी करते आणि तुमची रोगप्रतिकारशक्ती कमी करते आणि पचनक्रिया मंदावते.

थंड पेय किंवा पदार्थ तुमच्या पचनक्रिया मंदावते ( Cold Foods And Drinks Shock Your System)

आइस्ड लॅटे आणि स्मुदी ताजेतवाने प्यायला चांगले वाटू शकतात, परंतु ते एंजाइमची क्रिया मंदावू शकतात, ज्यामुळे पचन मंदावते.

अन्नामुळे होणाऱ्या आजाराचा धोका वाढतो (Higher Rrisk Of Foodborne Illnesses)

उष्ण हवामानात बॅक्टेरिया वेगाने वाढतात, ज्यामुळे सॅलेड, सीफूड आणि उरलेल्या अन्नातून अन्न विषबाधा होण्याची शक्यता वाढते.

साखर आणि अल्कोहोलचे सेवन वाढणे (Increased Sugar And Alcohol Intake)

उन्हाळ्यातील कॉकटेल, आईस्क्रीम आणि साखरेचे पेये आतड्यांमध्ये हानिकारक बॅक्टेरिया वाढवतात, ज्यामुळे पोटफुगी आणि जळजळ होते.

काय करावे? उष्णतेमध्ये आतड्यांचे आरोग्य वाढवण्याचे आश्चर्यकारक मार्ग (The Do’s Surprising Ways to Boost Gut Health in Heat)

स्मूदी, सॅलेड किंवा हर्बल आइस्ड टीसाठी बडीशेप, धणे आणि वेलचीसारखे थंडगार मसाले निवडा. जास्त मिरची आणि काळी मिरी अंतर्गत उष्णता आणि आम्लता वाढवते. पचन सुलभ करण्यासाठी कमी प्रमाणात आणि वारंवार जेवण घ्या.

काय करू नये: उन्हाळ्यातील सामान्य सवयी ज्या तुमच्या आतड्यांचे आरोग्य खराब करतात (The Don’ts: Common Summer Habits That Wreck Your Gut)

थंड द्रवपदार्थ अन्नातील फॅट्स घट्ट करतात, ज्यामुळे पचनक्रिया मंदावतात. जर तुम्हाला थंड पेय घ्यायचे असेल तर हळूहळू प्या आणि जेवणापूर्वी किंवा नंतर ते टाळा. उष्णतेमध्ये बॅक्टेरिया वेगाने वाढतात. जर अन्न दोन तासांपेक्षा जास्त काळ बाहेर ठेवले असेल (एक तास ३२°C पेक्षा जास्त तापमान असल्यास) तर ते टाकून द्या.

सॅलेड चांगले असले तरी जास्त कच्चे अन्न पचण्यास कठीण असू शकते. हलक्या वाफवलेल्या भाज्या आतड्यांना पचवणे सहज सोपे जाते.

गडद पिवळ्या रंगाची लघवी, तोंड कोरडे पडणे आणि थकवा येणे म्हणजे तुमच्या आतड्याला आधीपासून त्रास होत आहे. तहान लागण्यापूर्वीच भरपूर पाणी प्या.

उन्हाळ्यातील कॉकटेल आणि आईस्क्रीम हानिकारक बॅक्टेरियांना खायला घालतात, ज्यामुळे पोट फुगणे आणि जळजळ होते. त्याऐवजी गोठवलेली केळी (frozen bananas) किंवा आंब्याचे सरबतसारख्या नैसर्गिक गोड पदार्थांचा वापर करा.

आतड्यांवरील जलद आरामदायी उन्हाळी उपाय (Quick Gut-Soothing Summer Remedies)

एक चमचा जिरेपूड आणि एक चमचा बडीशेप कोमट पाण्यात मिसळा व जेवणानंतर प्या. चिमूटभर काळे मीठ घालून कलिंगड खाल्ल्याने पचन आणि हायड्रेशन सुधारते, परंतु ते कमी प्रमाणात किंवा जर तुमच्या रक्तातील साखरेचे प्रमाण जास्त असेल तर शिफारस केल्यानुसार वापरा. आतड्यांसाठी अनुकूल पेय म्हणून नारळ पाणी, पुदिना, काकडी आणि थोडे आले मिसळा.