मासिक पाळीच्या वेळी गोड पदार्थ खाताय ? तज्ज्ञांच्या मते…

मासिक पाळीच्या दरम्यान कोणते पदार्थ खावेत?

मासिक पाळीच्या दरम्यान ‘क्रॅम्प्स’ येत असतात, चीडचीड होत असते तेव्हा व्हॅनिला आईस्क्रीम, ब्राऊनी असे पदार्थ परिणामकारक ठरतात. परंतु, हे पदार्थ रक्तातील इन्सुलीच्या पातळीवरही परिणाम करतात. त्यामुळे ज्या महिला मधुमेह, मधुमेहपूर्व अवस्थेत आहे, त्यांना त्रास होण्याची शक्यता असते. मासिक पाळीच्या काळात अननसाचे सेवन करावे. अननसामुळे क्रॅम्प्स कमी होतात. टरबूजाच्या सेवनामुळे पोटातील जळजळ कमी होते. आले, बीट, लिंबू-लिंबूपाणी यांचे सेवन करावे. त्यातून ऊर्जा मिळते, तसेच लिंबू पाण्यामुळे मूड बदलणे कमी होते.

आणखी वाचा

Monk Fruit : साखरेपेक्षाही गोड असतं ‘हे’ फळ! अतिसेवनानं वाढतील हृदयाच्या समस्या; वाचा तज्ज्ञ काय म्हणतात…

१८ ऑक्टोबर पंचांग: नोकरदारांच्या कुंडलीत अच्छे दिन तर…

तुम्ही दररोज किती वेळा मिठी मारता? जाणून घ्या, मिठी मारणे हे आरोग्यासाठी कसे फायदेशीर?

हात धुता धुता…

नवरात्रीत कतरिना कैफच्या हातावर दिसला काळा पॅच, याचा कोणत्या आजाराशी आहे संबंध? तज्ज्ञांनी केला खुलासा

‘स्वलेखन’ ॲपद्वारे दृष्टीहिनांना डिजिटल युगाचे दार खुले करणाऱ्या उमा बडवे

स्त्री आरोग्य: उपवास करताय? करा, पण आरोग्य सांभाळून…

सेकंड हॅण्ड बाईक खरेदी करण्याचा विचार करताय? त्यापूर्वी ‘या’ महत्त्वाच्या गोष्टी लक्षात घ्या

हेही वाचा : काय चांगले ? लवकर उठणे की रात्री जागणे; काय सांगतात तज्ज्ञ…

मासिक पाळीच्या दरम्यान गोड पदार्थांचे मर्यादित सेवन करावे

मासिक पाळीच्या काळात अनेकांना गोड पदार्थ खावेसे वाटतात. परंतु, तज्ज्ञांच्या मते, गोड पदार्थांचे सेवन मर्यादित करावेत. “जास्त साखरेमुळे शरीरातील जळजळ वाढू शकते. मासिक पाळीच्या काळात आधीच शरीरातील जळजळ वाढलेली असते. शर्करायुक्त पदार्थ मर्यादित ठेवल्यामुळे शरीरातील जळजळ कमी होऊ शकते,” असे गोयल म्हणतात.
साखर जी ऊर्जा निर्माण करते जी जास्त काळ टिकत नाही आणि साखरेमुळे भुकेवरती परिणाम होतो. भूक मंदावते. त्यामुळे पौष्टिक पदार्थ खाल्ले जात नाहीत. साखर किंवा गोड पदार्थ यांचे मर्यादित सेवन करून आहारात पुरेसे प्रथिने आणि कार्बोहायड्रेट्स पदार्थ यांचा समावेश करावा.

‘हे’ पदार्थ मासिक पाळीच्या काळात खा

अननस
अननसामुळे पीरियड क्रॅम्प्स कमी होतात. अननसामध्ये नैसर्गिक दाहक-विरोधी गुणधर्म असतात जे क्रॅम्प्सची तीव्रता कमी करण्यास मदत करतात. याव्यतिरिक्त, अननसामध्ये भरपूर जीवनसत्त्वे असतात, विशेषत: व्हिटॅमिन सीमुळे रोगप्रतिकारक शक्ती वाढते.

टरबूज

टरबुजामध्ये पोषक घटक अधिक असतात. तसेच ते अँटिऑक्सिडेंट आहे. टरबुजामुळे शरीरातील जळजळ कमी होते. तसेच ते डीहायड्रेट करते.

आले
आले हा मसाल्यातील एक पदार्थ आहे. अनेक जणी आल्याचा चहा पिण्यास प्राधान्य देतात. आल्यामुळे क्रॅम्प्स कमी होतात. आले हे वेदनाशामक आहे. त्यामुळे जेवणात आल्याचा वापर केल्यास मासिक पाळीच्या काळात वेदना कमी होण्यास मदत होते.

बीटरूट
बीटरूटमध्ये आढळणारे बीटा-कॅरोटीन आणि अँटिऑक्सिडंट्स गर्भाशयात ऑक्सिजनयुक्त रक्ताचा प्रवाह वाढवण्यास मदत करतात, ज्यामुळे जळजळ कमी होते आणि मासिक पाळीच्या क्रॅम्प्सची तीव्रताही कमी होते. बीटरूटमुळे लोहही मिळते. रक्तवाढीसाठी बीटरूट आवश्यक आहे.

लिंबू
लिंबामध्ये व्हिटॅमिन सी असते. यामुळे शरीराचा दाह कमी होतो. ऊर्जा मिळते. रोगप्रतिकारक शक्तीही वाढते. पोटातील वेदना कमी होण्यास लिंबू मदत करते. डिहायड्रेशन होण्याची शक्यता या काळात अधिक असते. त्यामुळे लिंबू पाणी, सरबत यांचे सेवन करावे.

डॉ. गोयल यांच्या मते साखर किंवा गोड पदार्थ मर्यादितच खावेत. पौष्टिक पदार्थ, फळे खाण्यास या काळात प्राधान्य द्यावे.