वजन कमी होईल, केस गळायचे थांबतील…आठवडाभर फक्त ‘या’ काळ्या दाण्यांचे पाणी प्या; डॉक्टरांनी दिली माहिती

दोन आठवडे चिया बिया खाण्याचे फायदे खालीलप्रमाणे :

पचनशक्तीत सुधारणा

चिया बियांमध्ये भरपूर फायबर असते, जे पोट निरोगी ठेवण्यास मदत करते. जर तुम्हाला बद्धकोष्ठतेचा त्रास होत असेल, तर दररोज चिया बिया खाल्ल्याने तुमच्या आतड्यांच्या हालचाली नियंत्रित होण्यास मदत होते. मात्र, सोबतच जर तुम्ही पुरेसे पाणी प्यायला नाहीत, तर ते पोटफुगीचे कारण बनू शकते.

दिवसभर ऊर्जा मिळण्यास हातभार

चिया बिया हळूहळू ऊर्जा सोडतात, ज्यामुळे तुम्ही दिवसभर सक्रिय राहता. त्यात प्रथिने, निरोगी चरबी आणि कार्बोहायड्रेट्स असतात, जे उर्जेची पातळी राखण्यास मदत करतात.

चांगले हायड्रेशन

चिया बियांच्या सेवनाने तुमचे शरीर जास्त काळ हायड्रेट ठेवण्यास मदत मिळते. जर तुम्ही व्यायाम करीत असाल किंवा उष्ण हवामानात राहत असाल, तर हे सेवन उत्तम ठरते.

वजन नियंत्रण

चिया बियांच्या सेवनाने तुम्हाला जास्त वेळ पोट भरल्यासारखे वाटते. त्यामुळे जास्त खाणे टाळता येते आणि वजन नियंत्रणात राहण्यास मदत होते. मात्र, चिया बियांचेही जास्त प्रमाणात सेवन केल्याने अतिरिक्त कॅलरीज वाढू शकतात.

हृदय सशक्ततेकडे वाटचाल

चिया बियांमध्ये ओमेगा-३ फॅटी ॲसिड भरपूर प्रमाणात असते, जे हृदयासाठी चांगले असते. नियमित सेवनाने वाईट कोलेस्ट्रॉल कमी होण्यास आणि हृदयरोगाचा धोका कमी होण्यास मदत होते.

त्वचा व केसांचे आरोग्य राखण्यास प्रोत्साहन

चिया बियाण्यांमधील अँटीऑक्सिडंट्स त्वचेला वृद्धत्वापासून वाचवण्यास मदत करतात. ते मजबूत आणि चमकदार केसांनादेखील प्रोत्साहन देतात.

“दोन आठवडे चिया बिया खाल्ल्याने अनेक आरोग्यदायी फायदे मिळू शकतात. मात्र हे लक्षात ठेवा की, ते कमी प्रमाणात खाणे आणि भरपूर पाणी पिणे महत्त्वाचे आहे. बाळाच्या चांगल्या आरोग्यासाठी ते त्यांना स्मूदी, दही किंवा सॅलडमध्ये घालून देण्याचा प्रयत्न करा.