hair perfume benefits can hair perfumes damage your hair heres all you need to know about them | हेअर परफ्यूम आणि सिरमने केसांचे खरंच नुकसान होते का? वाचा तज्ज्ञांचे मत

Hair Perfume Benefits : केसांचे परफ्यूम केसांच्या आरोग्यासाठी खरंच फायदेशीर असतात का जाणून घेऊ..

हेअर परफ्यूम आणि सिरमने केसांचे खरंच नुकसान होते का? वाचा तज्ज्ञांचे मत (photo - freepik)

Hair Perfume Benefits : तुमच्यापैकी अनेक महिलांना वाटते की, आपलेही लांबसडक, घनदाट केस असावेत. अशावेळी केसांची निगा राखण्यासाठी आणि केसांच्या वाढीसाठी महिला वेगवेगळे उपाय करत असतात. यात अनेक महिला केसांना घामाची दुर्गंधी येऊ नये यासाठी हेअर परफ्यूम किंवा हेअर सिरमचा वापर करतात. विशेषत: कोणत्याही कार्यक्रमानिमित्त बाहेर जाताना हेअर सिरम किंवा हेअर परफ्यूम वापरला जातो. त्यामुळे हल्ली अनेक महिलांच्या मेकअप किटमध्ये तुम्हाला आता असे सुगंधित हेअर परफ्यूमदेखील पाहायला मिळतात.

यामुळे हल्ली बाजारातही विविध ब्रँड्सचे हेअर परफ्यूम पाहायला मिळतात. यातील काही ब्रँड्स केसांना खूपवेळा सुगंधित ठेवण्याचे वचन देतात. परंतु, आपण नियमित कपड्यांवर वापरत असलेले परफ्यूम हे त्वचेसाठी त्रासदायक असतात अशी चर्चा रंगते. अशावेळी केसांचे परफ्यूम केसांच्या आरोग्यासाठी खरंच फायदेशीर असतात का? किंवा यामुळे केसांचे काही नुकसान तर होत नाही ना, अशी चर्चा रंगतेय.

आणखी वाचा

How does Set dosa differ from Benne dosa (1)

सेट डोसा हा बेन्ने डोसापेक्षा वेगळा कसा आहे? कोणता डोसा आहे आरोग्यदायी? तज्ज्ञांकडून घ्या जाणून…

Nana Patole : निकालाआधी राजकीय घडामोडींना वेग; यातच…

Sonali Bendre was body shamed due to her long neck, people called her giraffe

“मला जिराफ म्हटलं जायचं”, सोनाली बेंद्रेवर एकेकाळी व्हायची टीका, बॉडिशेमिंगचा आरोग्यावर कसा होतो परिणाम, तज्ज्ञांनी केला खुलासा

Neena Gupta says she was not allowed to carry homemade dhaniya powder

Why Spices Are Not Allowed On Flights: घरी बनवलेले मसाले विमान प्रवासात घेऊन जाऊ शकतो का? वाचा, नीना गुप्ता यांचा अनुभव आणि तज्ज्ञांचे मत…

डिओड्रंटचा वापर करून ‘या’ अभिनेत्याने जाळले होते बहिणीचे केस; आईनेच केला खुलासा

Milk paneer or curd Which is healthiest dairy product

दूध, पनीर व दही यांपैकी कोणता पदार्थ आहे सर्वांत जास्त फायदेशीर? कसे करावे सेवन, घ्या तज्ज्ञांकडून जाणून….

Wasim Akram's cat haircut bill 1000 Australian Dollars

Wasim Akram : तब्बल ५५ हजारात कापले मांजरीचे केस! बिल पाहून वसीम अक्रम चकित; म्हणाला, ‘इतक्या पैशात तर पाकिस्तानात…’, पाहा VIDEO

याच विषयावर इंडियन एक्स्प्रेसशी बोलताना हेअरकेअर तज्ज्ञांनी काही महत्त्वाची माहिती दिली आहे, ती आपण जाणून घेऊ. यात त्यांनी केसांची कोणतीही काळजी न करता तुम्ही नियमितपणे हेअर परफ्यूम वापरू शकता की नाही हे सांगितले आहे.

यावर आयना क्लिनिक्सच्या संस्थापिका, मुख्य वैद्यकीय अधिकारी आणि त्वचारोगतज्ज्ञ डॉ. सिमल सोईन म्हणाल्या की, नाजूक सुगंध, अँटिऑक्सिडंट्स, व्हिटॅमिन्स आणि खनिजे यांनी युक्त असे हेअर परफ्यूम पोषक एजंट म्हणून कार्य करतात, ज्यामुळे कडक उन्हातही केस सुगंधी आणि फ्रेश ठेवण्यास मदत होते.

हेअर परफ्यूम केसांसाठी हानिकारक आहेत का?

केसांसाठी हानिकारक असलेल्या उत्पादनांच्या वापराबाबत बरेच वादविवाद झाले आहेत, विशेषत: जेव्हा काळजी घेण्यासंबंधित उत्पादने असतात. पण, हेअर परफ्यूम तुमच्या केसांसाठी खरोखर उत्तम मानले जातात, कारण ते पौष्टिक घटकांसह तयार केले जातात. तसेच हे परफ्यूम सहसा वॉटरबेस असतात. तुम्ही हे परफ्यूम वापरल्यानंतर काही मिनिटांत ते अल्कोहोल बेस तर नाही ना याची खात्री करू शकता. जर अल्कोहोल बेस असेल तर वापरल्यानंतर तुमचे केस काही मिनिटांत कोरडे दिसू लागतील.

हे हेअर परफ्यूम सर्व प्रकारच्या केसांसाठी पूर्णपणे सुरक्षित आहेत, ते तेलकट केसांना ताजेतवाने करण्याचे तसेच कोरड्या आणि खराब झालेल्या केसांना पोषण देण्याचे काम करतात.

डॉ. सिमल सोईन म्हणाले की, हेअर परफ्यूम सर्व प्रकारच्या केसांसाठी पूर्णपणे सुरक्षित असले तरी तुम्हाला शंका असल्यास डॉक्टरांचा सल्ला घ्या किंवा त्याऐवजी तुम्बी तेल, हेअर मिस्ट किंवा सिरम हे पर्याय निवडा.

तुम्ही नेहमी विविध प्रकारच्या सुगंधित तेलाचाही वापर करून पाहू शकता, कारण अशाप्रकारचे तेल नैसर्गिक घटकांपासून बनवले जातात; ज्यामुळे केसांना अतिशय सौम्य आणि जैविक सुगंध मिळतो. तसेच, घरगुती हेअर मिस्ट हे केमिकलयुक्त उत्पादनांवर विसंबून न राहता केसांना ताजे सुगंधित ठेवण्यासाठी चांगला पर्याय आहे.

यात हेअर सीरमदेखील सुगंध आणि पोषण यांचे परिपूर्ण संयोजन आहेत, ज्यामुळे तुमच्या केसांची मुळे निरोगी ठेवता येतात.

हेअर परफ्यूम निवडताना घ्या ‘या’ गोष्टींची काळजी

हेअर परफ्यूम निवडणे हा नक्कीच एक व्यक्तिनिष्ठ अनुभव आहे. पण, तुमच्या केसांची रचना आणि प्रकार पाहून त्यानुसार हेअर परफ्यूम निवडणे फायद्याचे असेल, असा सल्ला डॉ. सिमल सोईन यांनी दिला.

हेअर परफ्यूम निवडताना नेहमी अनुकूल फॉर्म्युलेशन आणि अल्कोहोल फ्री सुगंधांसह येणारे परफ्यूम निवडता. कारण अशा हेअर परफ्यूममध्ये नैसर्गिकरित्या हायड्रेटिंग घटक असतात.

कोणतीही अॅलर्जी किंवा गंभीर नुकसान टाळण्यासाठी पॅच चाचणी घेणे नेहमीच शहाणपणाचे असते. यासाठी आधी तुम्ही तुमच्या केसांमध्ये कोणती जखम, अॅलर्जी तर नाही ना याची खात्री करा. यानंतर तुम्ही विकत घेत असलेल्या हेअर परफ्यूमवरील ग्राहकांचे रिव्ह्यू वाचा. यात तुम्हाला हे परफ्यूम खरंच फायदेशीर आहे ना, याच्या वापरामुळे केसांचे कोणतेही नुकसान होत नाही ना याची माहिती मिळेल.

यानंतरही तुम्हाला हेअर परफ्यूमसंदर्भात काही प्रश्न असल्यास तुमच्या त्वचारोगतज्ज्ञांची मदत घ्या. कारण ते तुम्हाला योग्य हेअर परफ्यूम निवडण्यास मदत करू शकतात.

मराठीतील सर्व हेल्थ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Hair perfume benefitscan hair perfumes damage your hair heres all you need to know about them sjr