Healthy Living : दोरीच्या उड्या मारुन पोट कमी होईल का?

पोट कमी करण्यासाठी लोक नाना प्रयत्न करत असतात. व्यायामापासून योगासनांपर्यंत आणि नृत्यापासून ॲरोबिक्स पर्यंत विविध व्यायामप्रकारांनी लोक पोट आणि आपले वजन उतरवण्याचा प्रयत करत असतात. या व्यायामामधलाच एक प्रकार म्हणजे ’दोरीउड्या’. आपल्यातल्या बहुतेकांनी लहानपणी दोरीउड्या मारलेल्या आहेत; तरी आज त्या दोरी वरुन एखादी उडी मारायची क्षणभर विचार करावा लागेल; सरावाने ते जमते म्हणा. वास्तवात दोरी उड्या हा एक चांगला व्यायाम आहे, पण काय त्यामुळे पोट उतरवण्यास मदत मिळेल? या प्रश्नाचे उत्तर घेण्यासाठी दोरीउड्यांनी शरीराला होणारे फायदे समजून घेऊ.

आणखी वाचा

सकाळी उठल्यानंतर ३० मिनिटांत ३० ग्रॅम प्रथिने खाल्ल्याने कॉर्टिसोलचे नियमन आणि हार्मोन्स संतुलन होईल का? तज्ज्ञांनी केला खुलासा

Nana Patole : निकालाआधी राजकीय घडामोडींना वेग; यातच…

दूध, पनीर व दही यांपैकी कोणता पदार्थ आहे सर्वांत जास्त फायदेशीर? कसे करावे सेवन, घ्या तज्ज्ञांकडून जाणून….

मुळ्याची भाजी न आवडणाऱ्यांसाठी अशी बनवाल तर नक्की खातील; जाणून घ्या पौष्टिक भाजीची सोपी रेसिपी

तुमच्या आहारातील हळद विषारी आहे का? संशोधनात हळदीत आढळून आली ‘या’ हानिकारक धातूची भेसळ

हिवाळ्यात सगळ्यात भारी, निरोगी, आणि चवदार गाजर कांजी! पिढ्यानपिढ्या बनवली जाणारी खास रेसिपी

रोज काय भाजी करावी सुचत नाही? १ कांदा चिरून करा मलाई फ्लावर; बोटं चाटत रहाल अशी चमचमीत फ्लॉवरची भाजी

दोरीउड्या हा खेळाडुंसाठी एक आदर्श व्यायाम आहे. पायांची चपळता वाढवण्यासाठी, पायांच्या हालचालींमध्ये सुसूत्रता येण्यासाठी, पोटर्‍यांचे-मांड्यांचे व नितंबांचे स्नायू सुदृढ व प्रमाणबद्ध होण्यासाठी, हातांचे स्नायू सशक्त व लवचिक होण्यासाठी, सर्वात महत्त्वाचे म्हणजे तुमच्या हृदयाला सक्षम करण्यासाठी व पर्यायाने तुमचा दम वाढवण्यासाठी दोरीउड्या हा व्यायाम निश्चित उपयुक्त आहे. त्यामुळे धावपटू, टेनिस व बॅडमिंटनपटू, बॉक्सर्स, मार्शल आर्टस्‌चे खेळाडू यांना; किंबहुना कोणत्याही खेळामध्ये खेळाडूची क्षमता वाढवण्यासाठी तो उपयुक्त आहे, यात शंका नाही. इतका थकवणारा हा व्यायाम साहजिकच शरीराचे भरपूर उष्मांक जळत असला पाहिजे. साधारण १० मिनिटे दोरीउड्या केल्यानंतर १०० उष्मांक(कॅलरी) जळतात. इतके उष्मांक जळतात याचा अर्थ शरीराचे वजन सुद्धा घटणार. होय, नित्यनेमाने दोरीउड्यांचा एकदा सराव होऊन तुम्ही सकाळ-सायंकाळ दोन वेळा १० मिनिटे दोरीउड्या केल्यात तर साधारण २०० कॅलरीज जळतील आणि एक तास दोरीउड्या मारल्यामुळे सरासरी ७००हून अधिक कॅलरीज जळतात. हे प्रमाण बरेच चांगले आहे. इतके उष्मांक जळल्यामुळे शरीरामधील चरबी कमी होऊन वजन कमी होण्यास ते साहाय्यक होईल. मात्र याचा अर्थ दोरीउड्यांमुळे तुमच्या पोटाचा आकार कमी होईल, असे काही नाही.

हा सर्वांगासाठी उपयोगी असा व्यायाम आहे, जो चरबी घटवेल ,परंतु त्यामुळे खास पोटावरचीच चरबी कमी होईल, असे म्हणता येणार नाही. पोट उतरवण्यासाठी विशेष व्यायाम व त्याला पूरक आहार यांच्या जोडगोळीने पोटाची चरबी घटवता येईल. (दोरीउड्या वा अन्य कोणताही व्यायाम सुरु करण्याआधी तुमच्या डॉक्टरांचा सल्ला घ्या)