भेसळयुक्त कुंकू कसे ओळखावे? तज्ज्ञांनी सांगितल्या खास टिप्स

डॉ. करुणा मल्होत्रा, सौंदर्य चिकित्सक, सौंदर्यशास्त्रज्ञ व कॉस्मेटिक स्किन अॅण्ड होमिओ क्लिनिक राजौरी गार्डन, नवी दिल्ली येथील त्वचातज्ज्ञ म्हणाल्या, “भेसळयुक्त कुंकू ओळखणे अत्यंत आवश्यक आहे. कारण- काही भेसळयुक्त कुंकू त्वचेवर जळजळ किंवा इतर आरोग्य समस्या निर्माण करू शकतात.”

भेसळयुक्त कुंकू वापरण्याचे परिणाम

त्वचेची प्रतिक्रिया : भेसळयुक्त कुंकवातील हानिकारक रसायनांमुळे ॲलर्जी, पुरळ, खाज सुटणे व लालसरपणा येऊ शकतो.

श्वसनासंबंधित समस्या : भेसळयुक्त कुंकवाच्या वापरामुळे श्वास घेताना श्वासोच्छ्वासाच्या समस्या उद्भवू शकतात.

आरोग्य समस्या : भेसळयुक्त कुंकवाचा दीर्घकाळ वापर केल्याने मज्जासंस्थेचे नुकसान, मूत्रपिंड किंवा प्रजनन आरोग्य या समस्यांसह अनेक गंभीर समस्या उद्भवू शकतात, असे डॉ. मल्होत्रा ​​म्हणाल्या.

बनावट कुंकू कसे ओळखायचे?

चमक, रंग तपासा

भेसळविरहित कुंकवाचा रंग नैसर्गिक चमकदार लाल किंवा नारिंगी-लाल असतो. “नकली किंवा भेसळयुक्त कुंकवामध्ये असामान्य चमकदार चमक किंवा अनैसर्गिक रंग असू शकतो, जो हानिकारक रंग किंवा रसायनांची उपस्थिती दर्शवतो, असे डॉ. मल्होत्रा ​​म्हणाल्या.

रासायनिक सुवास

अस्सल कुंकवाला साधारणपणे तीव्र गंध नसतो. “जर त्याला रसायने किंवा धातू (जसे की पारा) सारखा वास येत असेल, तर ते भेसळयुक्त असू शकते,” असे डॉ. मल्होत्रा ​​म्हणाल्या.

जल परीक्षण

त्यासाठी कुंकू पाण्यात मिसळा. डॉ. मल्होत्रा ​​यांच्या मते, शुद्ध कुंकू सहज पाण्यात विरघळेल; तर भेसळयुक्त कुंकू जोडलेल्या रसायनांमुळे रंग वेगळे करू शकतो.

हेही वाचा: मुलतानी मातीचा सतत वापर करणे फायदेशीर आहे का? तज्ज्ञांचे मत काय..

पारा आणि शिसे तपासा

डॉ. मल्होत्रा ​​म्हणाल्या, “भेसळयुक्त कुंकवामध्ये लेड ऑक्साईड किंवा पारा सल्फाइड असते, जे आरोग्यासाठी धोकादायक असते. त्यामुळे लोकल मार्केटमधून कुंकू खरेदी करणे टाळा. योग्य प्रमाणीकरणासह विश्वासार्ह ब्रॅण्ड्सची निवड करा”, असा सल्ला डॉ. मल्होत्रा ​​यांनी दिला.

टीप : सुरक्षित राहण्यासाठी नेहमी नैसर्गिक किंवा हर्बल, असे स्पष्टपणे लेबल लावलेले आणि हानिकारक रसायने आणि जड धातूपासून मुक्त असलेल्या कुंकवाची निवड करा.