Hemoglobin Boosting Drink: निरोगी आरोग्यासाठी अनेकजण पोषक आहार घेण्याचा प्रयत्न करतात. असे असूनही काही लोकांच्या शरीरात लोहाची कमतरता असते. त्याच वेळी, लोहाची पातळी कमी झाल्यामुळे, शरीरातील हिमोग्लोबिनचे प्रमाण देखील कमी होऊ लागते. अशा परिस्थितीत लोहयुक्त काही पेयांचा आहारात समावेश करून तुम्ही शरीरातील रक्ताची कमतरता सहज पूर्ण करू शकता.
शरीरात रक्ताची कमतरता अनेक गंभीर आजारांना जन्म देऊ शकते. अशा परिस्थितीत अशक्तपणा, रक्त कमी होणे, गॅस, कमी ऊर्जा पातळी आणि रोगप्रतिकारशक्ती कमकुवत होणे यासारख्या समस्या दिसतात. त्यामुळे टाईम्स ऑफ इंडिया डॉट कॉमच्या वृत्तानुसार, आम्ही तुम्हाला काही लोहयुक्त पदार्थांची नावे सांगणार आहोत, ज्यातून तुम्ही तुमच्या आहारात तयार पेयांचा समावेश करून तुमच्या आरोग्याची विशेष काळजी घेऊ शकता.
हलीम ड्रिंक
हलीम ड्रिंक चविष्ट तसेच लोहाने समृद्ध आहे. यासोबतच फोलिक अॅसिड, व्हिटॅमिन ए, व्हिटॅमिन सी, व्हिटॅमिन ई, फायबर, कॅल्शियम आणि प्रोटीनही हलीम ड्रिंकमध्ये मुबलक प्रमाणात आढळते. हे तयार करण्यासाठी अर्धा कप पाण्यात १ चमचा हलीम आणि २ चमचे लिंबाचा रस मिसळा. आता हे पेय २ तासांनंतर सेवन करा.
बीटरूट ज्यूस
बीटरूटलाही लोहाचा उत्तम स्रोत मानला जातो. याशिवाय पोटॅशियम, व्हिटॅमिन सी आणि मॅंगनीज देखील बीटरूटमध्ये असते. या प्रकरणात, बीटरूटचा रस बनवण्यासाठी, २ मध्यम आकाराचे बीटरूट कापून घ्या. आता त्यात १ काकडी, १ इंच आले आणि लिंबाचा रस टाकून ज्युसरमध्ये बारीक करा. हे प्यायल्याने शरीरातील लाल रक्तपेशी वाढतात. यासोबतच ऑक्सिजनचा पुरवठाही चांगला होऊ लागतो.
( हे ही वाचा: आतड्यांमधील जमलेली घाण झपाट्याने काढून टाकतील ‘हे’ ५ ज्यूस? सेवनाची ‘ही’ पद्धत जाणून घ्या)
पालक आणि पुदिन्याचा रस
शरीरातील लोहाचे प्रमाण वाढवण्यासाठी तुम्ही पालक आणि पुदिन्याचा रस पिऊ शकता. हे करण्यासाठी ४ कप चिरलेल्या पालकमध्ये १ कप पुदिन्याची पाने आणि पाणी घालून बारीक करा, आता हे मिश्रण गाळून घ्या. नंतर त्यात १ चमचा लिंबाचा रस आणि १ चमचा जिरेपूड घालून बर्फाच्या तुकड्यांसोबत सर्व्ह करा. हे वजन कमी करण्यास देखील मदत करेल.
भाज्यांचा रस
जीवनसत्त्वे, खनिजे आणि फायबरने समृद्ध भाज्यांच्या रसाचे सेवन शरीरातील लोहाची पातळी वाढवण्यासही मदत करते. अशावेळी २ कप चिरलेल्या पालकमध्ये १ कप चिरलेला पडवळ, १/४ कप आवळा, १ चमचे मध आणि २ कप थंड पाणी मिसळा आणि मिश्रण करा. तुमचा भाजीचा रस तयार आहे.
