Rajamudi Rice Benefits: जगभरातील लोकांच्या दैनंदिन आहारात तांदूळ हा अविभाज्य घटक आहे. तांदळाचे त्याच्या किमतींनुसार असंख्य प्रकार आहेत. प्रत्येक तांदळाची स्वतःची अशी वेगळी चव, रंग आणि पोषक घटकही आहेत. त्यापैकी राजामुडी तांदूळ हा मूळचा कर्नाटकमध्ये पिकविला जाणारा लाल तांदूळ आहे, जो त्याच्या संभाव्य आरोग्यदायी फायदे आणि अद्वितीय चव यांसाठी ओळखला जातो.
राजामुडीची पांढऱ्या आणि लाल तांदळाशी तुलना
अपोलो स्पेक्ट्रा हॉस्पिटल, बंगळुरू येथील क्लिनिकल आहार तज्ज्ञ व पोषण तज्ज्ञ डॉ. ट्विन्सी ॲन सुनील यांनी सांगितले, “राजामुडी तांदळाचे विशिष्ट पौष्टिक फायदे आहेत. पांढऱ्या तांदळाच्या तुलनेत राजामुडीचा ग्लायसेमिक इंडेक्स कमी आहे. त्यामुळे रक्तातील साखरेची पातळी कमी होते आणि या कारणास्तव तो मधुमेहींसाठी फायदेशीर आहे. त्याव्यतिरिक्त ते उच्च फायबर आणि प्रथिनांमध्ये वाढ करते; जे ग्लुटेन असहिष्णुता असलेल्यांसाठी फायदेशीर आहे.”
- फायबर
पांढऱ्या तांदळात कमीत कमी फायबर असते आणि लाल तांदळात ते मध्यम प्रमाणात असते. परंतु, राजामुडी तांदूळ या दोघांनाही मागे टाकतो आणि पचनशक्ती वाढवतो.
- प्रथिने
पांढरे तांदूळ कमीत कमी प्रथिने पुरवतो; परंतु यात प्रोटीन अधिक असते. लाल तांदूळ थोडासा सुधारतो. राजामुडी तांदूळ दोन्हींपेक्षा चांगला आहे.
- ग्लायसेमिक इंडेक्स (GI)
पांढऱ्या तांदळात उच्च GI असतो; ज्यामुळे रक्तातील साखरेचे प्रमाण लवकर वाढते. तर, लाल तांदळात मध्यम स्वरूपाचा GI असतो. राजामुडीमध्ये या दोन्ही तांदळांच्या तुलनेत कमी GI आहे; जो रक्तातील साखर नियंत्रणात ठेवण्यासाठी एक उत्तम पर्याय आहे .
राजामुडी तांदूळ शिजविण्याच्या टिप्स
राजामुडी तांदूळ स्वयंपाक करण्यापूर्वी भिजविल्याने त्याचा फायदा होतो . “३० मिनिटे ते तासभर भिजवून ठेवल्याने त्याची चव आणि सुगंध वाढतो,” डॉ. ट्विन्सी म्हणतात. ही प्रक्रिया काही स्टार्च तोडण्यास मदत करते; ज्यामुळे काही लोकांची पचनशक्ती सुधारते.
तसेच राजमुडी तांदूळ शिजायला पांढऱ्या तांदळापेक्षा थोडा जास्त वेळ लागतो; पण लाल तांदळाच्या तुलनेत कमी वेळ लागतो.
हेही वाचा: टोमॅटो सॉसमधील भेसळ कशी ओळखाल? जाणून घ्या तज्ज्ञांचा सल्ला
राजामुडी तांदळापासून इतर कोणते पदार्थ बनवू शकता?
राजामुडी तांदूळ विविध पदार्थांमध्ये पांढऱ्या किंवा लाल तांदळाला तो पर्याय बनू शकतो. या तांदळाची बिर्याणी आणि पुलावही खूप छान लागतो.
डोसा आणि इडली यांसारखे पदार्थ बनविण्यासाठी राजामुडी तांदळाच्या पिठाचा वापर केला जाऊ शकतो .
हा तांदूळ भाज्यांबरोबरही खूप छान लागतो. तसेच शिजविलेला राजामुडी तांदूळ सूपबरोबरही चविष्ट लागतो.
राजामुडी तांदूळ प्रामुख्याने कर्नाटकात पिकविला जाणारा तांदूळ आहे आणि पांढऱ्या तांदळाच्या तुलनेत त्याची किंमत जास्त आहे. तथापि, डॉ. ट्विन्सी सांगतात, “त्याचे उत्कृष्ट पोषण आणि अद्वितीय चव, गुणधर्मांमुळे किमतीत किंचित वाढीची झळ सोसावी लागली तरी तो फायदेशीर ठरतो.”
राजमुडी तांदूळ पांढऱ्या आणि लाल तांदळाला पौष्टिक आणि चवदार पर्याय ठरू शकतो. उच्च फायबर व प्रथिन सामग्री, कमी ग्लायसेमिक इंडेक्स आणि वेगळ्या चवीसह अनेकांसाठी एक निरोगी पर्याय आहे.
