वजन कमी करण्यासाठी ‘२-२-२ आहार पद्धत’ खरंच फायदेशीर आहे का? काय सांगतात तज्ज्ञ…

वीणा व्ही, आहारतज्ज्ञ, ॲस्टर व्हाईटफिल्ड हॉस्पिटल, बंगळुरू यांनी सांगितले की, स्वतःला हायड्रेट ठेवणे अत्यंत गरजेचे असल्याने, या आहार पद्धतीनुसार लोकांनी दररोज दोन बाटल्या पाणी पिणे आवश्यक आहे. “याचे दोन फायदे आहेत. एकतर यामुळे ऊर्जा वाढते आणि भूक वाढते, त्याचप्रमाणे दररोज फळे आणि भाज्या दुप्पट प्रमाणात खाल्ल्याने शरीराला आवश्यक पोषक, फायबर आणि अँटिऑक्सिडंट्स मिळतात, जे आरोग्य सुदृढ ठेवण्यासाठी आणि वजन वाढण्यास मदत करतात. दोन वेळा चालल्याने शारीरिक ऊर्जा प्राप्त होते आणि यामुळे हृदयाचे कार्य सुधारते आणि मूडदेखील चांगला होतो, तसेच कॅलरीज बर्न होतात,” असं आहारतज्ज्ञ वीणा म्हणाल्या.

आणखी वाचा

वजन कमी करताय? मग सकाळच्या नाश्त्यामध्ये चहा आणि टोस्ट खाणे टाळा; का ते घ्या जाणून तज्ज्ञांकडून….

आठवड्यातून दर चार तासांनी २० मिनिटांची डुलकी घेतल्यास…

तुम्हालाही बर्फ चघळण्याची सवय आहे? मग ही सवय ठरू शकते आरोग्यासाठी धोकादायक, तज्ज्ञ सांगतात…

Perfect Sandwich Tip : सँडविच बनवताय? मग हा ‘थ्री फिंगर रूल’ नक्की ट्राय करून पाहा, आहारतज्ज्ञ म्हणतात की…

अंतराळवीरांना अंतराळात उत्साही अन् तंदुरुस्त राहण्यासाठी किती कॅलरीज आवश्यक आहेत? तज्ज्ञांकडून जाणून घ्या..

Immunity Boosting Food : हिवाळ्यात रोगप्रतिकारशक्ती वाढवण्यासाठी आवर्जून खा हे पदार्थ, जाणून घ्या, तज्ज्ञ काय सांगतात

अनेक महिला गरम पाण्याने अंघोळ करण्यास का पसंती देतात? तज्ज्ञांनी सांगितले वैज्ञानिक कारण

Breakfast That Spikes Blood Sugar: बटाट्याचे पराठे, एक वाटी पोहे खाल्ल्याने रक्तातील साखर वाढते का? वाचा तज्ज्ञांचे मत आणि उपाय

आपल्या आहारात हे कसे सहभागी करू शकता?

या आहार पद्धतीला तुम्ही तुमच्या दैनंदिन आयुष्यामध्ये अनहेल्दी स्नॅक्सच्या जागी पर्याय म्हणून सहभागी करू शकता. शिवाय यासह तुम्ही पाण्याच्या बाटल्यादेखील बरोबर ठेवा. “दररोज दोन फळं आणि दोन भाज्या खाण्याचे नियोजन करा, जसे की स्मूदी पिणे आणि सॅलेड खाणे, व्यक्तीच्या वजन कमी करण्याच्या काळात व्यक्तीमध्ये स्वातंत्र्य आणि नियंत्रणाची भावना निर्माण करते. म्हणून २-२-२ आहार पद्धत ही वजन कमी करण्याचा एक मार्ग आहे, जो पोषण आणि हायड्रेशनलादेखील प्रोत्साहन देतो”, असे डॉ. कृष्णमोहन यांनी सांगितले.

दरम्यान, २-२-२ आहार पद्धतीशी संबंधित काही तोटेदेखील आहेत. आहारतज्ज्ञ वीणा यांच्या मते, ही पद्धत यशस्वीपणे वजन कमी करण्यासाठी आवश्यक असलेले सर्वसमावेशक आहार मार्गदर्शन प्रदान करत नाही. “हे एकूण आहाराच्या गुणवत्तेचा विचार करत नाही; जसे की एकूण कॅलरी सेवन निरीक्षण, मॅक्रोन्यूट्रिएंट वितरण किंवा दोन भागातील आहार. शिवाय, या आहार पद्धतीत आहारातील निर्बंध आणि वैयक्तिक आरोग्याच्या समस्यांकडे दुर्लक्ष केले जाते. आहाराची गरज, वय, लिंग, शारीरिक हालचाली आणि चयापचय दर यावर आधारित असते, त्यामुळे अनुकूल आहार व्यक्तीच्या आरोग्यासाठी दीर्घकाळासाठी फायदेशीर ठरतो”, असे वीणा यांनी सांगितले.

हेही वाचा: तुम्ही सलग तीन दिवस उपाशी राहिल्यास काय होईल? जाणून घ्या तज्ज्ञांचा सल्ला…

या आहार पद्धतीचा अवलंब करावा का?

या आहार पद्धतीचा साधेपणा अनेकांचे लक्ष वेधून घेऊ शकतो, कारण ही पद्धत खाण्या-पिण्याच्या सवयी आणि जीवनशैली सुधारण्यासाठी एक चांगली सुरुवात म्हणून फायदेशीर ठरू शकते. परंतु, ही पद्धत वजन कमी करण्यासाठी आणि इतर आरोग्य समस्या दूर करण्यासाठी पुरेशी नाही. “व्यवस्थित वजन कमी करण्यासाठी, २-२-२ पद्धतीला संतुलित आहार, वैयक्तिक पोषण आहाराचे नियोजन आणि शारीरिक हालचालींवरदेखील लक्ष केंद्रित करायला हवे”, असे वीणा यांनी सांगितले.