Diabetes: मधुमेहींनी आंबा खाणं कितपत फायद्याचं ? जाणून घ्या किती प्रमाणात खावा

मधुमेहामध्ये आंबा खाऊ शकतो का ? –

आरोग्य तज्ज्ञांच्या मते, जर तुमच्या रक्तातील साखरेची पातळी स्थिर असेल तर तुम्ही आंबा खाऊ शकता.मात्र त्यावर नियंत्रण ठेवले पाहिजे. कारण एका आंब्यामध्ये सुमारे 15 ग्रॅम कर्बोदके असतात.प्रत्येक आंब्यात कमी-जास्त प्रमाणात गोडवा असतो. प्रमाणाबाहेर ब्लड शुगर किंवा वजन असणाऱ्यांनी आपल्या डाएटीशियनच्या सल्ल्याने आंब्याचं प्रमाण ठरवावं.

कोणत्या वेळेला खावा आंबा? –

आंबा शक्यतो सकाळी खावा. सकाळी मेटबॉलिक रेट चांगला असतो. सकाळी खाल्लेल्या पदार्थांचं पचन चांगलं होतं. सकाळी शारीरिक हालचालींचं प्रमाण जास्त असतं त्यामुळे पचनसंस्था जास्त कार्यक्षम असते. त्यामुळे आंबा दिवसा खावा, संध्याकाळनंतर कोणतेही फळ प्रामुख्याने आंबा जास्त गोड असल्याने शक्यतो टाळावा.

हेही वाचा – Gudi Padwa 2023 :गुढीपाडव्याचा खास बेत! कटाची आमटी बनवा ‘या’ सोप्या पद्धतीने, पुरणपोळीला येईल अधिक स्वाद

मधुमेहामध्ये आंबा खाताना ही काळजी घ्या –

एकाच वेळी मोठ्या प्रमाणात आंबा खाणे टाळा.
तुम्ही आधी १/२ कप आंबा खाऊन रक्तातील साखर वाढते की नाही ते तपासा.
तुमच्या रक्तातील साखरेनुसार तुम्हाला आंबा खाण्याचे प्रमाण ठरवावे लागेल.
मधुमेहाच्या रुग्णांनी सामान्य प्रथिनेयुक्त आहार घ्यावा. यामुळे आहार संतुलित राहतो.
तुम्ही आंब्यासोबत उकडलेले अंडी, चीज किंवा नट्ससारखे प्रथिनयुक्त पदार्थ खाऊ शकता.