वजन कमी करायचे आहे? बटाटा खाताना ‘या’ गोष्टी लक्षात ठेवा; तज्ज्ञ काय सांगतात, वाचा

हेही वाचा – दह्यात दालचिनी पावडर टाकून त्याचे सेवन करावे का? जाणून घ्या त्याचे अनेक फायदे आणि काही तोटे

खरचं बटाटा खाण्याचा हा योग्य मार्ग आहे का?

याबाबत दी इंडियन एक्स्प्रेसला माहिती देताना मुंबईच्या झिनोव्हा शाल्बी हॉस्पिटलमधील आहारतज्ज्ञ जिनल पटेल यांनी सांगितले की,”बटाट्यामध्ये साधे कार्बोहायड्रेट असतात, ज्यामुळे वजन लक्षणीय वाढते. हे जाणून घेणे महत्त्वाचे आहे की, जास्त बटाटे खाल्याने तुमच्या आरोग्यालाही धोका पोहचू शकतो. बटाटे अनेकदा अनेक मसाले, लोणी, तूप, औषधी वनस्पती, मलई आणि तेलामध्ये शिजवले जातात जे आरोग्यासाठी हानिकारक असू शकतात. यामुळे बटाट्यातील कॅलरी घटक देखील वाढू शकते. बटाटा ही एक “स्टार्चयुक्त भाजी” आहे जी कार्बोहायड्रेट्स आणि प्रथिनेंनी समृद्ध आहे हे समजून घेणे महत्वाचे आहे.

“कर्बोदकांसारख्या पोषक घटकांचे साखरेत रूपांतर सहज होते आणि शरीरात फॅट्सच्या स्वरुपात साठवले जाते. ज्यांची पचनसंस्था नाजुक आहे अशा लोकांमध्ये पचन क्रिया मंद होऊ शकते. जर तुम्ही सातत्याने बटाट्यापासून बनवलेले पदार्थ खात असाल तर सावध रहा. उकडलेले किंवा शिजवलेले बटाटे देखील जास्त प्रमाणात खाल्ले तर ते आरोग्यासाठी हानिकारक ठरते.” असे पटेल यांनी सांगितले.

हेही वाचा – रोजच्या आहारात सलग दोन आठवडे हळद वापरल्यास शरीरावर काय परिणाम होईल? तज्ज्ञांनी केला खुलासा….

पटेल यांनी चांगल्या आरोग्यासाठी संयमाने खाण्यावर भर दिला. “तुम्ही बटाटे कमी तेल आणि मसाले वापरून तयार करण्याचा प्रयत्न करू शकता,” असे ते म्हणाले.

पटेल यांनी असेही सांगितले की,”पोटाच्या समस्यांवर बटाटे मदत करू शकतात जसे की अतिसार, परंतु ते प्रत्येक व्यक्तीच्या शरीरावर अवलंबून असते. त्यांनी लोकांना सल्ला दिला की, “ऑनलाइन सांगितल्या जाणाऱ्या हॅक्सवर आणि व्हिडिओवर आंधळेपणाने विश्वास ठेवू नका. तुमच्या खाण्याच्या सवयींमध्ये नवीन बदल करण्यापूर्वी नेहमी तुमच्या डॉक्टरांशी किंवा आहारतज्ज्ञांशी बोला.”