मधुमेह हा आजार आता सामान्य होत चालला आहे. अनेक लोक या आजाराने ग्रस्त आहेत. रक्तातील साखरेचे प्रमाण जास्त वाढल्याने ही समस्या उद्भवते. मधुमेहाच्या रुग्णांच्या रक्तातील साखर अनियंत्रित झाली तर त्यांना आरोग्याबाबतच्या अनेक गंभीर समस्यांचा सामना करावा लागतो. त्यामुळे अशा रुग्णांना साखर नियंत्रित ठेवणे खूप आवश्यक असते. यासाठी त्यांनी रक्तातील साखरेची पातळी वाढवणाऱ्या पदार्थांपासून दूर रहायला हवं, असे अनेक पदार्थ आहेत जे तुमच्या रक्तातील साखरेची पातळी वाढवतात.
तर टाइप 2 मधुमेहाची अनेक कारणे असू शकतात. लठ्ठपणा, उच्च रक्तातील साखर आणि खराब जीवनशैली ही त्याची प्रमुख कारणे आहेत. तर अनेकांना दुसऱ्या टाईपच्या मधुमेहापासून स्वत:तं संरक्षण करायचं? यासाठी कोणते पदार्थ खाणे टाळावे आणि कोणते खावे? याबाबतची माहिती नसते. यासाठीच आम्ही आज तुम्हाला टाइप 2 मधुमेहाच्या रुग्णांनी कोणते पदार्थ खाणं टाळलं पाहिजे याबाबतची माहिती सांगणार आहोत.
हेही वाचा- Beauty Tips: नितळ आणि सुंदर त्वचेसाठी आवश्यक असणाऱ्या ‘या’ ३ गोष्टी जाणून घ्या
टाइप 2 मधुमेहाच्या रुग्णांनी टाळले पाहिजेत असे पदार्थ पुढीलप्रमाणे –
- आइस्क्रीम, केक, चॉकलेट
मधुमेहाच्या रुग्णांनी कृत्रिम गोड पदार्थ खाणं टाळायला हवं. आइस्क्रीम, केक आणि चॉकलेट यांसारख्या गोष्टींचे सेवन केल्याने रक्तातील साखरेचे प्रमाण झपाट्याने वाढू शकते जे मधुमेहाच्या रुग्णांसाठी अत्यंत हानिकारक आहे.
- तळलेले पदार्थ
फ्रेंच फ्राईज, पकोडे आणि कचोरी यासारखे तळलेले पदार्थांचे तुम्ही शौकीन असाल आणि तुम्हाला मधुमेहाचा त्रास असेल तर हे पदार्थ खाणं तुम्ही बंद करायला हवं. कारण तळलेले पदार्थ किंवा जास्त फॅट डिशमध्ये कार्बोहायड्रेट जास्त असते, जे रिफाइंड ऑइल वापरल्यामुळे मधुमेही रुग्णांच्या आरोग्यासाठी अत्यंत हानिकारक माणले जाते.
- फळांचा रस
फळे आरोग्यासाठी फायदेशीर असली तरी फळांमधून निघणारा रस कच्च्या फळांइतका आरोग्यदायी नसतो. मधुमेहाच्या रुग्णांनी ज्यूस पिऊ नये. त्यासोबतच केळी, चिकू, कस्टर्ड सफरचंद, फळांचा रस, फळांचा मिल्कशेक आदी पदार्थ टाळायला हवेत. कारण याच्या सेवनाने मधुमेही रुग्णांच्या रक्तातील साखरेचे प्रमाण वाढू शकते.
हेही वाचा- कॅल्शियमच्या कमतरतेमुळे होऊ शकतात ‘हे’ गंभीर आजार; कॅल्शियमची पातळी वाढविण्याचे उपाय जाणून घ्या
- पांढरे कर्बोदके
पांढऱ्या कर्बोदकांऐवजी संपूर्ण धान्य खा. पांढरा तांदूळ, पांढरा ब्रेड आणि पास्ता यासह पांढर्‍या मैद्याने बनवलेले पदार्थ टाळा. “पांढरे” कार्बोहायड्रेट साखरेसारखे कार्य करतात ज्यामुळे ग्लुकोजची पातळी वेगाने वाढू शकते.
- लाल मांस
टाइप २ मधुमेहाच्या रुग्णांनी जास्त चरबीयुक्त मांस खाणे टाळावे. ग्राउंड बीफ, बोलोग्ना, हॉट डॉग्स, सॉसेज, खारवून वाळवलेले डुकराचे मांस आणि रिब्स हे जास्त चरबीयुक्त पदार्थ टाळावेत.
(टीप: वरील लेख प्राप्त माहितीवर आधारीत आहे, मधुमेहासंदर्भातील अधिकच्या माहितीसाठी डॉक्टरांशी संपर्क साधा)
