फार फार प्राचीन काळापासून तुम्हा-आम्हा मानवांचा पहिला पूर्वज कसा होता, याच्याबद्दलच्या कथा-कल्पना नेहमीच विविध प्रकारे सांगितल्या जातात. मूळ मानव जन्माला आला तेव्हा त्याला प्रथम भूक लागली की तहान लागली असावी, हा मानववंश शास्त्रज्ञांचा नेहमीचाच चर्चेचा विषय असतो. आजही आपल्या पृथ्वीवर ‘पाणी’ आहे. म्हणून तुम्ही-आम्ही आहोत. पृथ्वीखेरीज अन्य ग्रहांवर पाणी आहे का, याचा शोध थोर अंतराळ शास्त्रज्ञ घेत आहेत. पृथ्वीवरचे पाणी अनेकविध स्वरूपाची भूमी, काल, हवामान अशा विविध घटकांमुळे वेगवेगळ्या स्वरूपांचे असते. नदी, नाले, ओढे, विहिरी, समुद्र, सरोवरे, पर्वतराजी व खोल खोल भूगर्भ येथे विविध प्रकारचे पाणी मिळते. जगातील बहुसंख्य मंडळी मिळेल ते पाणी, आपापल्या परीने शुद्ध करून किंवा गाळून वापरत असतात. माणसाच्या रोजच्या राहणीमानात, खाण्या-पिण्यात, कामधंद्यात कमी-जास्त अडीअडचणी आल्या, की मानवाला काही विकार होतात व अशा वेळेस नेहमीच्या पाण्यावर वेगवेगळे संस्कार करून ‘सिद्धजल’ बनवण्याची गरज पडते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
