‘या’ बियांच्या सेवनाने झपाट्याने वजन होईल कमी? कधी व किती सेवन करावे समजून घ्या तज्ज्ञांकडून…

खराब जीवनशैली व व्यायामाचा अभाव यांमुळे आजकाल लोकांसाठी चरबीत वाढ होणे ही एक मोठी समस्या बनली आहे. हा लठ्ठपणा उच्च रक्तदाब, मधुमेह, हृदयविकाराचा झटका, दमा, गॅस्ट्रिक यांसह अनेक आजार घेऊन येतो. ॲनाल्स ऑफ इंटर्नल मेडिसिन या जर्नलमध्ये प्रकाशित झालेल्या २०१५ च्या अभ्यासात असे आढळून आले आहे की, दररोज ३० ग्रॅम फायबरचे सेवन केल्याने वजन कमी होऊ शकते. चिया बियांमध्ये भरपूर पोषक घटक असतात, म्हणूनच त्यांना सुपरफूड मानले जाते. त्यात फायबर, प्रथिने, ओमेगा-३ फॅटी अॅसिड, अँटी-ऑक्सिडंट्स, जीवनसत्त्वे व खनिजे चांगल्या प्रमाणात आढळतात.

आणखी वाचा

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

Nana Patole : निकालाआधी राजकीय घडामोडींना वेग; यातच…

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

पडसाद : त्यांच्याविषयी कुतूहल

२८ नोव्हेंबरला गुरु बदलणार आपली चाल! ‘या’ राशीच्या लोकांच्या आयुष्यात येणार आनंद, मिळेल अपार धन

‘या’ तारखेला जन्मलेले लोक कमी वयात होतात श्रीमंत, कमावतात आयुष्यात भरपूर धन-संपत्ती

“तुला खूप लोक सांगतील वजन कमी कर, सर्जरी कर, पण…”, हुमा कुरेशीला प्रसिद्ध दिग्दर्शकाने वजनाबद्दल दिलेला सल्ला, म्हणाली…

हळदीच्या पाण्याचे सेवन अन् दुपारच्या जेवणात…; रकुल प्रीत सिंगने सांगितला तिचा डाएट प्लॅन; म्हणाली, “रात्रीचे जेवण…”

“चिया बिया हे पौष्टिक अन्न आहे; परंतु ते वजन कमी करण्यासाठी जादूची गोळी नाही,” असे म्हणत अपोलो हॉस्पिटल्सच्या मुख्य पोषणतज्ज्ञ डॉ. प्रियंका रोहतगी सावध करतात. वजन कमी करण्यासाठी निरोगी आहार, नियमित व्यायाम व पुरेशी झोप या सर्व गोष्टी आवश्यक असल्याचे त्या सांगतात.

(हे ही वाचा : उपवास करण्यामुळे वजन कमी, रक्तातील साखर अन् कोलेस्ट्रॉल कमी होतं? तज्ज्ञ काय सांगतात… )

चिया बिया शरीराला अनेक फायदे देतात. त्यामुळे आजच्या काळात त्यांचा आहारात समावेश करणे आवश्यक आहे. चिया बिया या ओमेगा-3 फॅटी अॅसिडचे सर्वोत्तम वनस्पती-आधारित स्रोतांपैकी एक आहेत. चिया बियांमधील उच्च फायबर आणि प्रथिने ही सामग्री दीर्घ काळासाठी भूक कमी ठेवण्यास मदत करते. साहजिकच त्यामुळे वजनावर नियंत्रण राखणे शक्य होते.

एक वा दोन चमचे चिया बिया : फायबर, प्रथिने, निरोगी चरबी, जीवनसत्त्वे व खनिजे यांसारख्या पोषक घटकांनी समृद्ध असतात. तुम्ही दररोज एक किंवा दोन चमचे घेऊन दिवसाची सुरुवात करू शकता आणि पचनाचा त्रास टाळण्यासाठी हे प्रमाण हळूहळू वाढवा.

हायड्रेटेड राहा : चिया बिया मोठ्या प्रमाणात द्रव शोषून घेतात. बद्धकोष्ठता टाळण्यासाठी त्यांचे सेवन करताना योग्य हायड्रेशनची खात्री करा.

संतुलित आहाराचा भाग म्हणून तुम्ही तुमच्या आहारात चिया बियांचा समावेश करू शकता. चिया बिया स्मूदी बनवूनही खाता येतात. स्मूदीमध्ये फळांसह चिया बिया चवदार लागतात. वजन कमी करण्यासाठी चिया बिया भिजवून स्मूदी बनवावी. आरोग्यासाठीही ते फायदेशीर आहे.